spot_img
Homeຂ່າວຕ່າງປະເທດTesla Motors ເປີດ​ໂຮງງານ​ຜະລິດ​ແບ​ັດ​ເຕີຣີ​ໃນ​ທະ​ເລ​ຊາຍ

Tesla Motors ເປີດ​ໂຮງງານ​ຜະລິດ​ແບ​ັດ​ເຕີຣີ​ໃນ​ທະ​ເລ​ຊາຍ

Published on

Tesla Motors ​ບໍລິສັດ​ຜະລິດ​ລົດ​ ​ແລະ ​ອຸປະກອນ​ຈັດ​ສາກ​ພະລັງງານ​ລາຍ​ໃຫຍ່​ຂອງ​ອາ​ເມ​ລິ​ກາ ​ເປີດ​ໂຮງງານ​ຂະໜາດ​ໃຫຍ່​ມູນ​ຄ່າ​ກວ່າ 5 ຕື້​ໂດ​ລາ​ ​ໃນ​ທະ​ເລ​ຊາຍ​ເນ​ວາດາ​ທາງ​ຕາ​ເວັນ​ຕົກ​ຂອງ​ອາ​ເມ​ລິ​ກາ

Tesla Motors ກຳລັງ​ດຳ​ເນີນ​ການ​ສ້າງ​ໂຮງງານ​ແຫ່ງ​ນີ້​ໄດ້​ບໍ່​ດົນ ​ໃນ​ເມືອງ Sparks ທາງ​ຕາ​ເວັນ​ຕົກ​ຂອງ​ເນ​ວາດາ ​ໂດຍ​ຂະນະ​ນີ້​ໂຮງງານ​ສຳ​ເລັດ​ໄປ​ແລ້ວ 14 % ​ເທົ່າ​ນັ້ນ ​​ແຕ່​ເມື່ອ​ສຳ​ເລັດ​ສົມບູນ ​ໂຮງງານ​ນີ້​ຈະ​ມີ​ເນື້ອ​ທີ່​ທັງໝົດປະມານ 10 ລ້ານ​​ຕາລາງຟຸດ ຫຼື ມີ​ຂະໜາດ​ເທົ່າ​ກັບສະຫນາມເຕະບານອາເມລິກາ NFL 262 ຊຶ່ງ​ນັ້ນ​ຈະ​ເຮັດ​ໃຫ້​ໂຮງງານ​ແຫ່ງ​ນີ້ ​ເປັນໜຶ່ງ​ໃນ​ສິ່ງ​ກໍ່ສ້າງ​ທີ່​ໃຫຍ່​ທີ່​ສຸດ​ໃນ​ໂລກ

ໂຮງງານ​ດັງ​ກ່າວ​ມີ​ຊື່ວ່າ Gigafactory ຊຶ່ງທາງ​ບໍລິສັດ​ຫວັງ​ວ່າ ​ໂຮງງານ​ໃໝ່​ແຫ່ງ​ນີ້ ຈະ​ກາຍ​ເປັນ​ສູນ​ກາງ​ການ​ຜະລິດ​ແບ​ຕ​ເຕີຣີ Lithium-ion ຂອງ​ບໍລິສັດ

​ດ້ວຍ​ສັກກະ​ຍະພາບ​ໃໝ່ທີ່​ຈະ​ເພີ່ມ​ການ​ຜະລິດ​ແບ​ັດ​ເຕີຣີ Lithium-ion ຂອງ​ໂລກ​ໄດ້​ເກືອບ 2 ​ເທົ່າ ​ໃນ​ຂະນະ​ດຽວກັນ​ກໍ​ມີ​ສ່ວນ​ຊ່ວຍຫຼຸດຄ່າ​ໃຊ້​ຈ່າຍ​ຂອງ​ການ​ຜະລິດ​ແບ​ັດ​ເຕີຣີລົງ​ກວ່າ 30 % ​ເຊັ່ນ​ກັນ ​ແລະ ​ໃນ​ອີກ 3-4 ປີ​ຂ້າງໜ້າບໍລິສັດ​ຍັງ​ມີ​ແຜ​ນທີ່​ຈະ​​ຈ້າງແຮງ​ງານ​ເຖິງ 1 ໝື່ນຕຳແໜ່ງ

ນອກຈາກ​ການ​ຜະລິດ​ແບ​ຕ​ເຕີຣີ​ແລ້ວ ບໍລິສັດ Tesla Motors ຍັງ​ມີ​ທຸລະ​ກິດ​ເກັບ​ພະລັງງານ​ສຸຣິຍະ ຫຼື ພະລັງງານ​ແສງຕາ​ເວັນ​ສຳລັບການ​ໃຊ້​ພາຍ​ໃນ​ບ້ານ​ເຮືອ​ນ ​ແລະ ບໍລິສັດ​ອີກ​ດ້ວຍ.

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...