ຄວາມຮັກ ກັບ ເຊັກສ໌ ຕໍ່ຈາກສະບັບກ່ອນໜ້ານີ້ທີ່ພວກເຮົາເຄີຍນຳສະເໜີກ່ຽວກັບລັກສະນະແມ່ຍິງທີ່ຍັງເປັນສາວບໍລິສຸດ ແລະ ຖືໄດ້ວ່າຫົວຂໍ້ດັ່ງກ່າວໄດ້ຮັບຄວາມນິຍົມຢ່າງຫຼວງຫຼາຍຈາກຜູ້ທີ່ເຂົາມາອ່ານ ແລະ ກໍ່ມີແຟນເພສຫຼາຍຄົນຖາມເຂົ້າມາກ່ຽວກັບລັກສະນະຂອງ “ຊາຍບໍລິສຸດຈະເບິ່ງແນວໃດ” ທີມງາມຂອງພວກເຮົາກໍ່ບໍ່ພາດທີ່ຈະໄປຊອກຫາຂໍ້ມູນນຳເວັບໄຊ໌ຕ່າງໆມານຳສະເໜີເລື່ອງນີ້ໃຫ້ຮູ້ຈັກກັນ ເຊິ່ງຊາຍທີ່ຍັງບໍລິສຸດຢູ່ນັ້ນຈະມີລັກສະນະໄດ້ແນວໃດເຮົາມາອ່ານກັນເລີຍ

ໝາຍເຫດ: ສິ່ງທີ່ກ່າວຈະຕໍ່ໄປນີ້ເປັນຫົວຂໍ້ທີ່ເວົ້າກ່ຽວກັບເພດສຶກສາ ແລະ ເປັນພຽງຫົວຂໍ້ທີ່ເວົ້າກ່ຽວກັບລັກສະນະທີ່ບົ່ງບອກຜູ້ຊາຍບໍລິສຸດຢູ່ ຫຼື ບໍ່ເທົ່ານັ້ນ ຖ້າຫາກວ່າສິ່ງທີ່ກ່າວໄປນັ້ນຫາກເກີດຜິດພາດປະການໃດກໍ່ຕາມຕ້ອງຂໍອະໄພໄວ້ລ່ວງໜ້າ 

ຫຼາຍຄົນມັກເຂົ້າໃຈວ່າຜູ້ຊາຍທີ່ຍັງຊິງ ຫຼື ຍັງບໍລິສຸດຢູ່ນັ້ນຕ້ອງມີເອັນພົມມະຈັນຢູ່ປາຍອະໄວຍະວະເພດຊາຍຍັງບໍ່ທັນສີກຂາດນັ້ນຈິ່ງຖືໄດ້ວ່າເປັນຊາຍບໍລິສຸດ ແຕ່ເລື່ອງນີ້ມັນກໍ່ບໍ່ເປັນກັບຜູ້ຊາຍໝົດທຸກຄົນ ເພາະຜູ້ຊາຍບາງຄົນເອັນພົມມະຈັນອາດສີກຂາດຕັ້ງແຕ່ຍັງນ້ອຍ ເນື່ອງຈາກຜູ້ຊາຍບາງຄົນອາດມີບັນຫາກ່ຽວກັບການປັດສະວະ (ຢ່ຽວ) ຍາກ ຕັ້ງແຕ່ອາຍຸ 4-10 ປີ ເມື່ອໄປໂຮງໝໍ ແພດອາດຈະໜີບໜັງຫຸ້ມ ຫຼື ເອັນພົມມະຈັນນັ້ນອອກ ເພື່ອໃຫ້ປັດສະວະງ່າຍຂຶ້ນ ຫຼື ອາດເປັນຍ້ອນສາເຫດອື່ນໆ ກໍ່ເຊັ່ນດຽວກັນກັບກໍລະນີຂອງແມ່ຍິງທີ່ເປັນ sport girl ການຫຼິ້ນກິລາໜັກບາງຊະນິດອາດເຮັດໃຫ້ເຍື້ອພົມມະຈັນສີກຂາດໄດ້ ສະນັ້ນ ຈິ່ງມີຫຼາຍໆຄຳຄິດເຫັນສະຫຼຸບໄດ້ວ່າ ການເບິ່ງຄວາມບໍລິສຸດຂອງຜູ້ຊາຍນັ້ນຕ້ອງເບິ່ງທີ່ອາການ, ລີລາເລົ້າໂລມ, ຈັງຫວະໃນການຂັບເຄື່ອນ ປະເພດນີ້ເປັນຕົ້ນ

ຫຼັກການເບິ່ງຜູ້ຊາຍບໍລິສຸດ:

1.ຖ້າຜູ້ຊາຍຄົນນັ້ນເກັ່ງເລື່ອງເທິງຕຽງ, ລີລາດີ, ຈັງຫວະດີ, ເລົ້າໂລມຖືກຈຸດ, ຮູ້ຈັກກຳນົດເວລາໄປເຖິງຈຸດສຸດຍອດທີ່ເໝາະສົມພໍດີທັງສອງຝ່າຍ ສະແດງວ່າຜູ້ຊາຍຄົນນັ້ນຜ່ານເລື່ອງແບບນີ້ມາຫຼາຍ ມີປະສົບການເຫຼືອເຟືອ

2. ຖ້າຜູ້ຊາຍຄົນນັ້ນເຮັດພໍເປັນແຕ່ຍັງບໍ່ດີປານໃດ ມີບາງຈຸດຍັງບໍ່ຄັກໃຈປະມານວ່າ ມີຄະແນນເຕັມ 10 ເຮັດໄດ້ແຕ່ 7 ສະແດງວ່າຊາຍຄົນນັ້ນຜ່ານເລື່ອງນີ້ມາບໍ່ຫຼາຍປານໃດ ຍັງຕ້ອງເກັບກ່ຽວປະສົບການຕໍ່ໄປ

3. ຖ້າຜູ້ຊາຍຄົນນັ້ນມີລັກສະນະເຂີນອາຍ, ຫົວໃຈເຕັ້ນແຮງກ່ອນເວລາຈະມີເພດສຳພັນ ຫຼື ໃນເວລາມີເພດສຳພັນ, ໃຈຮ້ອນຟ້າວເຮັດຟ້າວເລັ່ງ, ກະຈັງຫວະບໍ່ຖືກບໍ່ຮູ້ຈັງຫວະແຮງຈັງຫວະຄ່ອຍ, ເລົ້າໂລມບໍ່ຖືກຈຸດ, ຫລັ່ງໄວກ່ອນຈະໄປເຖິງຈຸດສຸດຍອດ ເຮັດສິ່ງໃດລົງໄປກໍ່ບໍ່ຖືກໃຈສາວຈັກຢ່າງ ຖ້າສາວຄົນໃດໄດ້ລັບນອນກັບຊາຍໃນລັກສະນະນີ້ຕ້ອງດີໃຈໄວ້ເລີຍວ່າທ່ານຄືຍິງຄົນທຳອິດຂອງເຂົາ

ຖ້າໃຜອ່ານແລ້ວມີຄວາມຄິດເຫັນແນວໃດເພີ່ມຕື່ມກໍ່ສາມາດສະແດງຄວາມຄິດເຫັນໄດ້ (ການສະແດງຄວາມຄິດເຫັນຄວນໃຊ້ຄຳເວົ້າທີ່ສຸພາບ ແລະ ສ້າງສັນ)

ສຳລັບຄວາມຮັກລະຫວ່າງຄົນສອງຄົນນັ້ນຈະຢູ່ກັນໄດ້ດົນ ຫຼື ບໍ່ ມັນບໍ່ໄດ້ກ່ຽວກັບວ່າເຮົາຕ້ອງໄດ້ຄູ່ຄອງທີ່ບໍລິສຸດຢູ່ ຫຼື ບໍ່ ແຕ່ສິ່ງທີ່ສຳຄັນຄືເຮົາຈະໄດ້ຄົນທີ່ຢາກຢູ່ ແລະ ພ້ອມຈະຢູ່ຄຽງຂ້າງກັບເຮົາທຸກທີ່ທຸກເວລາທຸກເຫດການບໍ່ວ່າຈະເປັນຍາມເຮົາສຸກ ແລະ ທຸກ ຫຼື ບໍ່ເທົ່ານັ້ນເອງ.

ຂອບໃຈຂໍ້ມູນອ້າງອີງຈາກເວັບໄຊ໌:

http://pantip.com/topic/32303576

http://www.dek-d.com/board/view/1457285/

http://board.postjung.com/665521.html