ສຳນັກຂ່າວຕ່າງປະເທດ ລາຍງານໃນວັນທີ 27 ກໍລະກົດນີ້ວ່າ ໃນວັນອັງຄານທີ 26 ກໍລະກົດ 2016 ຜ່ານມານີ້ ກຸ່ມຕິດອາວຸດຊົນເຜົ່າຕ່າງໆຢູ່ມຽນມາ 17 ກຸ່ມ ໄດ້ເປີດກອງປະຊຸມປຶກສາຫາລືກັນ ຢູ່ເມືອງມາຍຈາຢາງ ລັດກະສິ່ນ ທາງພາກເໜືອຂອງມຽນມາ ເພື່ອກະກຽມໃຫ້ແກ່ ກອງປະຊຸມສັນຕິພາບຄັ້ງໃຫຍ່ ຮ່ວມກັບລັດຖະບານມຽນມາ ທີ່ຈະໄຂຂຶ້ນໃນເດືອນສິງຫານີ້ ສຳລັບຄວາມພະຍາຍາມ ທີ່ຈະຢຸຕິຄວາມບໍ່ສະຫງົບພາຍໃນປະເທດ ທີ່ມີມາຢ່າງຍາວນານ.
ທັງນີ້ ກຸ່ມຕິດອາວຸດຊົນເຜົ່າສ່ວນນ້ອຍບາງກຸ່ມ ແມ່ນໄດ້ບັນລຸຂໍ້ຕົກລົງ ເພື່ອຢຸດຍິງກັບລັດຖະບານມຽນມາແລ້ວ ແຕ່ກໍຍັງມີອີກຫລາຍກຸ່ມ ທີ່ຍັງສືບຕໍ່ປະທະກັບກອງທັບມຽນມາ ຊຶ່ງພາຍໃນກອງປະຊຸມຄັ້ງນີ້ ກໍຍັງມີອີກ 4 ກຸ່ມ ຖອນຕົວອອກຈາກກອງປະຊຸມ ໃນນາທີສຸດທ້າຍອີກດ້ວຍ.
ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!