ສຳນັກຂ່າວຕ່າງປະເທດ ລາຍງານໃນວັນທີ 18 ກໍລະກົດຜ່ານມານີ້ວ່າ ຊາວຝຣັ່ງຈຳນວນຫລວງຫລາຍ ເດີນທາງເຂົ້າຮ່ວມພິທີໂຮມຊຸມນຸມ ໄວ້ອາໄລໃຫ້ແກ່ຜູ້ເຄາະຮ້າຍ ເທິງຖະໜົນທີ່ເກີດເຫດການ ຄົນຮ້າຍໃຊ້ລົດບັນທຸກ ໄລ່ຢຽບ ແລະ ໃຊ້ປືນຍິງໃສ່ຜູ້ຄົນ ທີ່ເຂົ້າມາຮ່ວມພິທີສະເຫລີມສະຫລອງ ວັນຊາດຝຣັ່ງ ເມື່ອວັນທີ 14 ກໍລະກົດ 2016 ຜ່ານມາ ສົ່ງຜົນເຮັດໃຫ້ມີຜູ້ເສຍຊີວິດທັງໝົດ 84 ຄົນ ແລະ ໄດ້ຮັບບາດເຈັບອີກ 300 ຄົນ.
ເຂົ້າຮ່ວມໃນພິທີດັ່ງກ່າວມີ ທ່ານ ມານູເອວ ວານ ນາຍົກລັດຖະມົນຕີຝຣັ່ງ ແລະ ເຈົ້າໜ້າທີ່ຂັ້ນສູງຂອງຝຣັ່ງ ຈຳນວນຫລາຍ, ສຳລັບຜົນການສືບສວນເບື້ອງຕົ້ນ ໄດ້ໃຫ້ຮູ້ວ່າ ຜູ້ລົງມືກໍ່ເຫດຊື່ ທ້າວ ໂມຮາເໝັດ ລາຮູເວດ ບູເລວ ອາຍຸ 31 ປີ ເຊື້ອສາຍຕູນີຊີ ຊຶ່ງເປັນປະຊາຊົນອາໄສຢູ່ພາຍໃນເມືອງນີສ ບ່ອນທີ່ໄດ້ລົງມືກໍ່ເຫດ.
ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!