ມີການສຳຫຼວດພົບວ່າ ຄົນຫວຽດນາມ ໃຊ້ເວລາສະເລ່ຍກັບສັງຄົມອອນລາຍເຖິງອາທິດລະ 24 ຊົ່ວໂມງກັບ 7 ນາທີ ສະເລ່ຍເກືອບ 4 ຊົ່ວໂມງຕໍ່ມື້ ຫັກເວລານອນ, ເວລາເຮັດວຽກແລ້ວເກືອບທັງໝົດຂອງເວລາວ່າງເລີຍ ຊຶ່ງຖືວ່າ ເປັນຕົວເລກທີ່ເພີ່ມຂຶ້ນຈາກປີກ່ອນເກືອບ 9 ຊົ່ວໂມງຕໍ່ອາທິດ.
ຕາມການລາຍງານຂອງບໍລິສັດນິລສັນ ປະຈຳປີ 2015 ຊຶ່ງເຮັດການວິເຄາະການບໍລິໂພກສື່ດິຈິຕອລຂອງປະຊາຊົນໃນ 9 ປະເທດພົບວ່າ ຄົນຫວຽດນາມກວ່າ 9 ໃນ 10 ຄົນ ຊຶ່ງເທົ່າກັບ 91% ຂອງການສຳຫຼວດ ເປັນເຈົ້າຂອງໂທລະສັບສະມາດໂຟນ ເພີ່ມຂຶ້ນ 82% ໃນປີ 2014, ການສຳຫຼວດພົບວ່າ ຄົນຫວຽດນາມອາຍຸລະຫວ່າງ 21-29 ປີ ໃຊ້ເວລາສ່ວນໃຫຍ່ຢູ່ກັບສື່ອິນເຕີເນັດສະເລ່ຍ 27 ຊົ່ວໂມງ 2 ນາທີ ຕໍ່ອາທິດ ຊຶ່ງເປັນກຸ່ມທີ່ໃຊ້ເວລາກັບສື່ອິນເຕີເນັດເພີ່ມຂຶ້ນຫຼາຍກວ່າຄົນໃນກຸ່ມອາຍຸອື່ນໆ ຊຶ່ງໃຊ້ເວລາສະເລ່ຍ 22 ຊົ່ວໂມງ 6 ນາທີຕໍ່ອາທິດ.
ຫວຽດນາມນິສລະບຸວ່າ ການສຳຫຼວດຂອງນິລເສັນ ເຖິງແມ່ນວ່າສະແດງໃຫ້ເຫັນວ່າ ຄົນຫວຽດນາມສ່ວນໃຫຍ່ປະມານ 72% ຍັງຕິດສື່ໂທລະພາບຢູ່ ແຕ່ອາດຈະມີການເບິ່ງຜ່ານແພລດຟອມໃໝ່ເພີ່ມຂຶ້ນ ໂດຍມີຕົວເລກລະບຸວ່າ ຄົນທີ່ຕິດສື່ດິຈິຕອລຫຼາຍເຖິງ 78% ເບິ່ງລາຍການທາງໂທລະພາບ ແລະ ໜັງຜ່ານລະບົບອອນລາຍເຊັ່ນ: ວີດີໂອອອນດີມານ.