ເປັນຫຍັງຕ້ອງຕອນໝາກຫຸ່ງ? ເຫດຜົນຂໍຄື:
1. ໝາກຫຸ່ງຕອນໄດ້ ຄຸນສົມບັດຕົ້ນແມມ່ນຄົບທຸກປະການ ການລໍຖ້າເອົາແກ່ນໄປປູກຈະຜິດພ້ຽນໄປທຸກຊ່ວງລຸ້ນ ເຊັ່ນ ລົດຊາດປ່ຽນ, ສີພ້ຽນ, ຂະໜາດບໍ່ທໍ່ເກົ່າ, ເນື້ອອາດຈະບາງລົງ, ຈົນເຖິງຂັ້ນຜິດພ້ຽນໄປຈົນບໍ່ເຫຼືອລັກສະນະສາຍພັນເກົ່າກໍມີ.
- ເມື່ອແກ່ນຈາກບໍລິສັດມາປູກ ຈະໄດ້ຄຸນນະພາບດີສະເພາະລຸ້ນທຳອິດ ຖ້າເອົາແກ່ນ(ຕາມຂໍ້ 1) ລຸ້ນສອງ ແລະລຸ້ນຕໍ່ໆໄປ ຈະຜິດພ້ຽນໄປເລື້ອຍໆ ເພາະເປັນການຂະຫຍາຍພັນໂດຍອາໄສເພດ.
ເມັດພັນຈາກບໍລິສັດຕ່າງໆ ຖືກໂປຣແກຣມມາໃຫ້ໄດ້ຜົນຜະລິດລຸ້ນດຽວເທົ່ານັ້ນ ຖ້າລຸ້ນຕໍ່ໄປເຮົາເອົາເມັດພັນໄປປູກຕໍ່ແລ້ວດີຄືລຸ້ນທຳອິດ ບໍລິສັດຈະຂາຍບໍ່ອອກແນ່ນອນ.
- ໝາກຫຸ່ງຕອນ ຕົ້ນເຕ້ຍ ບໍ່ຕ້ອງໃຊ້ໄມ້ແໝ້ນໃຫ້ລູກຕົກລົງຈົນບູບຊ້ຳ ການູກເພື່ອການຕະຫຼາດຈະຫໍ່ໝາກງ່າຍ ເບິ່ງແຍງງ່າຍ ເກັບກູ້ງ່າຍ ສວຍງາມ ຕະຫຼາດຕ້ອງການ.
- ສາມາປູກໃສ່ຄຸ ຫຼືກະຖາງດອກໄມ້ ເໝາະສຳລັບສັງຄົມເມືອງ ຜູ້ບໍ່ມີທີ່ດິນສຳລັບລົງປູກ ເຄື່ອນຍ້າຍໄປມາໄດ້ງ່າຍ.
- ໃຊ້ເປັນຕົ້ໄມ້ປະດັບໄດ້ ແລະກໍໄດ້ກິນພ້ອມ
ການຕອນໝາກຫຸ່ງ ມີ 2 ແບບຄື
- ຕອນຈາກງ່າຂອງຕົ້ນທີ່ໃຫ້ຜົນຜະລິດດີ ໝາກຫຸ່ງນັ້ນຈະມີ 3 ເພດຄື ຕົ້ນແມ່, ຕົ້ນຜູ້ ແລະຕົ້ນກະເທີຍ ໝາກຫຸ່ງທີ່ໃຫ້ຜົນຜະລິດດີຄືໝາກຫຸ່ງກະເທີຍ ເຮົາຈະຕັດຕົ້ນແມ່ທີ່ມີອາຍຸ ສູງຈາກພື້ນປປະມານ 1.5 ແມັດ ໝາກຫຸ່ງຈະມີລຳຕົ້ນເປັນປ່ອງ ໃຫ້ໃຊ້ຖົງຢາງມັດຫຸ້ມໄວ້ທາງດ້ານເທິງ ຖ້າໃຫ້ແຕກແໜງ ຫຼືຕົ້ນໝາກຫຸ່ງທີ່ແກ່ຫຼາຍແລ້ວ ບາງຕົ້ນອາດຈະມີແໜງສາມາດຕອນໄດ້ເລີຍ.
- ການຕອນຈາກຕົ້ນພັນດີທີ່ເກີດຈາກເມັດພັນລຸ້ນທຳອິດ ຂະໜາດຕັ້ງແຕ່ເສັ້ນຜ່າສູນກາງ 2.5 ເຊັນ ຈົນເຖິງຂະໜາດໃຫຍ່ ໂດຍກະໄລຍະທີ່ຕອນຈາກຍອດລົງມາປະມານ 30-60 ເຊັນ (ຕາມຄວາມຕ້ອງການວ່າຕ້ອງການໃຫ້ຕົ້ນເຕ້ຍສ່ຳໃດ)
ອຸປະກອນການຕອນ
- ຖົງໃສ່ຍອງໝາກພ້າວຂະໜາດໃຫຍ່ເທົ່າກັບຖົງໃສ່ແກງ
- ມີດເຂົ້າໆ ຫຼືຄັດເຕີໃຫຍ່
- ເຊືອກຟາງສຳລັບຜູກຮັດ
- ໄມ້ສຽບເອັນ/ໄມ້ຈິ້ມແຂ້ວ ຫຼືໄມ້ອື່ນໆ ສຳລັບກັນຮອຍຕັດບໍ່ໃຫ້ເນື້ອຕົ້ນໝາກຫຸ່ງກັບມາທົບກັນອີກ
ການກະບາກແໜງ
ປາດເປັນກະບັກເຂົ້າເລິກປະມານ 2 ໃນ 3 ຂອງກິ່ງ ຂັ້ນຕອນນີ້ຕ້ອງລະວັງບໍ່ໃຫ້ແໜງຂາດ ເອົາໄມ້ອັດເຂົ້າໄປໃນຮອຍແຜ ຖ່າງໃຫ້ເນື້ອແໜງຕົ້ນໝາກຫຸ່ງງະອອກຈາກັນ.
ການບາກຕົ້ນໝາກຫຸ່ງຕົ້ນອ່ອນ ອາດຈະພົບບັນຫາຈາກຕົ້ນອ່ອນທີ່ມີໝາກກາງຕົ້ນ ຈະເຮັດໃຫ້ຫັກລົງງ່າຍໆເມື່ອລົມພັດແຮງ ອາດຈະໃຊ້ໄມ້ດາມຕົ້ນໄວ້ໄລຍະໜຶ່ງ… ການບາກຕົ້ນອ່ອນບາງຕົ້ນເຖິງແມ່ນຈະໃຊ້ໄມ້ຢັນໄວ້ ແຕ່ເນື້ອລຳຕົ້ນອ່ອນອາດຈະຍຸບໂຕລົງມາທົບກັນອີກ ໃຫ້ແກ້ໄຂໂດຍກະບາກ 2 ເທື່ອ ຄືຕັດເນື້ອອອກມາແລ້ວອັດໄມ້ເຂົ້າໄປ. ການອັດໄມ້ບໍ່ມີວິທີຕາຍໂຕ ອາດຈະອັດຂວາງຫຼືຕາມທາງຍາວກໍໄດ້ ສາລະຄຳຄັນຢູ່ທີ່ເນື້ອຕົ້ນໝາກຫຸ່ງຕ້ອງບໍ່ກັບມາທົບກັນອີກ.
ຜ່າຖົງຝຸ່ນໃຍໝາກພ້າວທີ່ໝາດນ້ຳປິດກວມສ່ວນທີ່ກະບາກໃຫ້ຫຸ້ມ ຈະກວມກິ່ງ/ຕົ້ນ ທັງໝົດຫຼືບໍ່ກໍໄດ້ ແຕ່ຕ້ອງຫຸ້ມຮອຍກະບາກ ການຜ່າຖົງໃຍໝາກພ້າວ ຜ່າລວງຕັ້ງຫຼືລວງຍາວກໍໄດ້ເບິ່ງຕາມສະພາບ ແຕ່ລະກິ່ງ/ຕົ້ນ ເປັນຫຼັກຄວາມເໝາະສົມ (ເບິ່ງໜ້າງານ) ຈາກນັ້ນໃຊ້ເຊືອກຟາງຜູກຮັດຖົງໃຍໝາກພ້າວໃຫ້ແໜ້ນ ຢ່າໃຫ້ຫຼວມຈົນຂະຫຍັບໄດ້.
ການຕອນຕົ້ນໝາກຫຸ່ງໃຊ້ໄລຍະເວລາປະມານ 40 ວັນ ຈຶ່ງຈະແຕກຮາກໃໝ່ທີ່ແຂງແຮງ ສາມາດຕັດໄດ້ ສ່ວນຕົ້ນແມ່ຫຼັງຈາກຕັດກິ່ງແໜງອອກໄປແລ້ວອາດຈະໂຊມ ໃຫ້ໃຊ້ປຸຍຢູເຣຍ (46-0-0) ບຳລຸງໃຫ້ເກີດແໜງຕໍ່ໄປໄດ້ເລື້ອຍໆ.
ແໜງຫຼືຕົ້ນທີ່ຕັດອອກມາຈະເກີດອາຫານຫ່ຽວໃນບໍ່ທໍ່ໃດນາທີ ເນື່ອງຈາກໝາກຫຸ່ງໃບໃຫຍ່ ຄາຍນ້ຳໄດ້ໄວ ເມື່ອຂາດນ້ຳລ້ຽງຈາກຕົ້ນແມ່ ຈຶ່ງຄວນເລືອກກເວລາຕັດໃນຕອນຄ່ຳ ຫຼືໃນມື້ທີ່ແດດອ່ອນຫຼືບໍ່ມີແດດ ຍິ່ງຖ້າມີຝົນຕົກແດ່ຈະດີຫຼາຍ ເພື່ອປ້ອງກນການເສຍນ້ຳຂອງກິ່ງທີ່ຕອນ ຄວນຕັດກ້ານໃບຫ່າງກິ່ງປະມານ 2,5 ຊັງຕີແມັດ ໃຫ້ເຫຼືອໃບໜ້ອຍທີ່ສຸດ2-3 ໃບ ແລະເຫຼືອຍອດໄວ້ເທົ່ານັ້ນ. ກ້ານໃບທີ່ເຫຼືອຈາກການຕັດອອກ ຈະຫຼົ່ນເອງໃນເວລາ 3-5 ວັນ.
ການເອົາລົງປູກ ຈະປູກໃນກະຖາງຫຼືລົງດິນກໍໄດ້ ລະວັງຢ່າແດກດິນເທິງກະເປາະຕອນແຮງຫຼາຍ ເພາະຈະເຮັດໃຫ້ຮາກຕົ້ນໝາກຫຸ່ງຂາດໄດ້.
ໝາກຫຸ່ງທີ່ລົງປູກ ອາດຈະມາຈາກກິ່ງກ້ານແໜງທີ່ໂຄ້ງງໍ ແກ້ໄຂໂດຍໃຫ້ວາງກະກາງ ປິ່ນຍອດທີ່ໂຄ້ງງໍນັ້ນເຂົ້າຫາຮົ່ມ ຕົ້ນຫຸ່ງຈະດັດໂຕດອງໃຫ້ຊື່ພາຍໃນບໍ່ທໍ່ໃດມື້ ພ້ອມກັບການແຕກໃບໃໝ່ໃນໄລຍະທຳອິດປະມານ 12 ວັນ ຫຼັງຈາກນັ້ນເລິ່ມໃຫ້ປຸຍຢູເຣຍແລະສູດອື່ນໆທີ່ຕ້ອງການໄດ້.
Cr. ກະເສດອິນເຕີຊຽງໃໝ່