ຂປລ. ກອງປະຊຸມອາເຊັມຄັ້ງທີ 11 ໄດ້ໄຂຂຶ້ນໍະຫວ່າງວັນທີ 15-16 ກໍລະກົດ 2016 ທີ່ອູລານບາຕໍ ປະເທດມົງໂກເລຍໂດຍມີຜູ້ນໍາ 51 ປະເທດຈາກພາກພື້ນອາຊີ ແລະ ເອີລົບ ລວມທັງບັນດາປະເທດຖືກເຊີນ ຂະນະທີ່ ສປປ ລາວນໍາໂດຍ ທ່ານ ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ ລາວພ້ອມຄະນະເຂົ້າຮ່ວມ ເຊິ່ງກອງປະຊຸມດັ່ງໄດ້ທົບທວນຄືນ ແລະ ປຶກສາຫາລືຫລາຍບັນຫາດັ່ງນີ້: ສະຫລຸບການປຶກສາຫາລືຂອງບັນດາຜູ້ນໍາ ແລະ ສະແດງເຖິງຄວາມມຸ່ງຫມັ້ນຂອງສະມາຊິກອາເຊັມໃນການສົ່ງເສີມການຮ່ວມມືລະຫວ່າງອາຊີ ແລະ ເອີລົບໃນດ້ານຕ່າງໆເຊັ່ນ:
ບັນຫາທີ1: ການພັດທະນາແບບຍືນຍົງ, ການປ່ຽນແປງສະພາບອາກາດ, ສົ່ງເສີມການເຊື່ອມໂຍງ, ຄວາມຫມັ້ນຄົງທາງທະເລ.
ບັນຫາທີ 2: ຖະແຫລງການອູລານມາຕໍ ເຊິ່ງຈັດຂຶ້ນເປັນພິເສດໃນໂອກາດຄົບຮອບ 20 ປີຂອງການກໍ່ຕັ້ງອາເຊັມໂດຍເນັ້ນຢໍ້າເຖິງຄວາມສໍາເລັດຜ່ານມາ ລວມທັງວິໄສທັດໃນຕໍ່ຫນ້າເສີມສ້າງຄວາມເຂັ້ມແຂງໃຫ້ແກ່ຄວາມເປັນຫຸ້ນສ່ວນເຊິ່ງກັນ ແລະ ກັນ, ສົ່ງເສີມຄວາມມືໃຫ້ເກີດປະໂຫຍດທີ່ເປັນຮູບປະທໍາ, ສົ່ງເສີມຄວາມເຊື່ອມໂຍງ ແລະ ປັບປຸງຂັ້ນຕອນເຮັດວຽກຂອງອາເຊັມ ລວມທັງຈະກໍານົດໃຫ້ວັນທີ 1 ມີນາຂອງທຸກໆປີເປັນວັນອາເຊັມ.
cr: ຂປລ ແລະ ຊິນຫົວ