ສຳນັກຂ່າວສານປະເທດລາວລາຍງານວ່າ ມື້ວານນີ້ ວັນທີ 15 ກໍລະກົດ 2016 ພະແນກອຸດສາຫະກຳແລະການຄ້າແຂວງສະຫວັນນະເຂດ ໄດ້ຈັດພິທີທຳລາຍ ຈັກສະຕິນ, ໝໍ້ຊັອດປາ, ເລົາປືນ, ລູກປືນ ໂດຍການໃຊ້ລົດຈົກຢຽບ ທີ່ເດິ່ນບານຫຼັກ 4 ເມືອງໄກສອນພົມວິຫານ ແຂວງສະຫວັນນະເຂດ ໂດຍໃຫ້ເຫດຜົນວ່ານີ້ເປັນສ່ວນໜຶ່ງໃນຄວາມພະຍາຍາມ ເພື່ອປາບປາມການຄ້າໄມ້ເຖື່ອນ ແລະການທຳມາຫາກິນທີ່ບໍ່ຖືກຕ້ອງຕາມລະບຽບກົດໝາຍ (ຂປລ ກ່າວ).
ໃນຫຼາຍປີທີ່ຜ່ານມາ ແຂວງສະຫວັນນະເຂດໄດ້ປະເຊີນກັບຂະບວນການຄ້າ-ຂາຍ ໄມ້ເຖື່ອນທີ່ໄດ້ສ້າງຄວາມເສຍຫາຍໃຫ້ແກ່ທຳມະຊາດ ໂດຍສະເພາະແມ່ນປ່າໄມ້ຖືກບຸກເບີກຖາກຖາງ, ສັດນ້ຳ-ສັດບົກ ມີປະຊາກອນໜ້ອຍລົງ ຍ້ອນຖືກລ່າແບບບໍ່ຖືກຕ້ອງ ເຊັ່ນການໃຊ້ໄຟຟ້າຊັອດປາ, ໃຊ້ປືນຍິງສັດ… ເປັນຕົ້ນ. ດັ່ງນັ້ນ, ທາງເຈົ້າໜ້າທີ່ພະແນກກະສິກຳປ່າໄມ້ ຮ່ວມກັບພະແນກອຸດສາຫະກຳແລະການຄ້າແຂວງນະເຂດ ຈຶ່ງໄດ້ຫາທຸກວິທີທາງເພື່ອແກ້ໄຂເລືອງນີ້. ແລະໃນທີ່ສຸດກໍມີການຈັດພິທີທຳລາຍເຄື່ອງມືທຳລາຍປ່າ ແລະລ່າສັດ ດັ່ງກ່າວ ເພື່ອເປັນສັນຍະລັກແກ່ການຕໍ່ຮ້ານການຕັດໄມ້ທຳລາຍປ່າແລະລ່າສັດຢ່າງຜິດກົໝາຍ.
ຂອບໃຈຮູບແລະຂໍ້ມູນຂ່າວຈາກ: ຂປລ