ສຳນັກຂ່າວຕ່າງປະເທດ ລາຍງານໃນວັນທີ 13 ກໍລະກົດຜ່ານມານີ້ວ່າ ພະເຈົ້າມະຫາຈັກກະພັດອະກິຮິໂຕະ ອາຍຸ 82 ປີ ເຈົ້າຊີວິດ ແຫ່ງ ຣາຊະວົງຍີ່ປຸ່ນ ແລະ ທັງເປັນປະມຸກລັດ ແຫ່ງ ປະເທດຍີ່ປຸ່ນ ໄດ້ປະກາດກຽມສະຫລະຣາຊະບັນລັງ ພາຍໃນ 2-3 ປີຂ້າງໜ້ານີ້ ແລະ ປະສົງໃຫ້ ເຈົ້າຊາຍນາຣຸຮິໂຕະ ອາຍຸ 56 ປີ ອົງມົງກຸດຣາຊະກຸມານ ແຫ່ງ ຣາຊະວົງຍີ່ປຸ່ນ ຂຶ້ນຄອງຣາຊະສົມບັດ ສືບທອດອຳນາດແທນ.

ສຳນັກພະຣາຊະວັງອິມພີຣຽວ ແຫ່ງ ປະເທດຍີ່ປຸ່ນ ໄດ້ອອກຖະແຫລງການດັ່ງກ່າວ ຢ່າງເປັນທາງການ ໃນວັນທີ 13 ກໍລະກົດ 2016 ໂດຍພະເຈົ້າມະຫາຈັກກະພັດອະກິຮິໂຕະ ໄດ້ຄອງຣາຊະບັນລັງ ຍາວນານ 27 ປີ ຊຶ່ງການປະກາດ ກຽມສະຫລະອຳນາດ ຂອງປະມຸກລັດຍີ່ປຸ່ນໃນຄັ້ງນີ້ ບໍ່ໄດ້ມີການເປີດເຜີຍເຫດຜົນ ຫລື ຄວາມປະສົງຂອງພະອົງແຕ່ຢ່າງໃດ.
 

ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!