ວັນທີ 13 ກໍລະກົດ 2016 ທີ່ນະຄອນຫຼວງວຽງຈັນໄດ້ຈັດພິທີເປີດນຳໃຊ້ສຳນັກງານສູນກາງແນວລາວສ້າງຊາດຫຼັງໃໝ່ ໂດຍໃຫ້ກຽດເຂົ້າຮ່ວມຂອງທ່ານ ໄຊສົມພອນ ພົມວິຫານ ປະທານສູູນກາງແນວລາວສ້າງຊາດ, ທ່ານ ທອງຫຼ້າ ແສງວິໄຊຍ໌ ປະທານບໍລິສັດ ແສງວິໄຊ ກຣຸບ ຈຳກັດ, ພະນັກງານບຳນານອາວຸໂສ ພ້ອມດ້ວຍພະນັກງານວິຊາການເຂົ້າຮ່ວມ.
ໂຄງການດັ່ງກ່າວໄດ້ເລີ່ມລົງມືການກໍ່ສ້າງຕັ້ງແຕ່ເດືອນກໍລະກົດປີ 2014 ເປັນຕົ້ນມາ ຊຶ່ງໄດ້ມີການຕິດຕາມກວດກາການກໍ່ສ້າງເປັນແຕ່ລະໄລຍະມາ ຮອດທ້າຍເດືອນເມສາປີ 2016 ການກໍ່ ສ້າງແມ່ນສຳເລັດສົມບູນ 100%.
ສຳລັບຕຶກອາຄານສຳນັກງານສູນ ກາງແນວລາວສ້າງຊາດແມ່ນເປັນຊົງ ລາວປະຍຸກຮູບໂຕ E ຍາວ 66,9 ແມັດ, ກວ້າງ 30 ແມັດ, ມີ 5 ຊັ້ນປະກອບມີ: ຫ້ອງປະຊຸມໃຫຍ່, ຫ້ອງຮັບແຂກ, ຫ້ອງພະນັກງານວິຊາການ, ຫ້ອງອາຫານ ແລະອື່ນໆ ຊຶ່ງປະກອບດ້ວຍເຄື່ອງອຸປະກອນຮັບໃຊ້ຄົບຊຸດການກໍ່ສ້າງແມ່ນຖືກຕ້ອງຕາມເຕັກນິກຮັບປະກັນຄຸນນະພາບຕົວອາຄານມີລັກສະນະໂດດເດັ່ນ.
ທີ່ມາ: ເສດຖະກິດ-ສັງຄົມ