ວັນທີ 12 ກໍລະກົດປີ 2007 ຫຼືມື້ນີ້ເມື່ອ 9 ປີທີ່ແລ້ວ ເປັນມື້ວາງຈຳໜ່າຍຂອງເກມ Rockman ZX Advent ເທິງເຄື່ອງ Nintendo DS ທີ່ປະເທດຍີ່ປຸ່ນ ໂດຍພາກນີ້ເປັນພາກຕໍ່ຂອງ Rockman ZX ອີກທັງຍັງເປັນພາກທີ່ວາງຈຳໜ່າຍໃນປີທີ່ສະຫຼອງຊີຣີຣ໋ອກແມນ 20 ປີນຳ (ຣ໋ອກແມນພາກທຳອິດວາງຈຳໜ່າຍໃນປີ 1987)
ສຳລັບເນື້ອເລື່ອງຂອງ Rockman ZX Advent ຈະເປັນເລື່ອງລາວທີ່ເກີດຫຼັງຈາກເຫດການ Biometal Model W ທີ່ເກີດຂຶ້ນໃນ Rockman ZX ພາກທຳອິດເມື່ອພວກຫຸ່ນຮັນເຕີ້ໄດ້ອອກສຳຫຼວດຊາກຫັກພັງເພື່ອຊອກຫາເທັກໂນໂລຢີແລະວິທະຍາການທີ່ສູນຫາຍໄປ ເຊິ່ງສະຖານທີ່ດັ່ງກ່າວກໍເປັນບ່ອນທີ່ບັນດາຫຸ່ນມາເວີຣິກອາໄສຢູ່ນຳ ທັງນີ້ກໍມີລັດທະບານທີ່ຄວບຄຸມເບິ່ງແຍງໂດຍ 3 ນັດປາດ ໄດ້ແກ່: ມາສເຕີ້ໂທມັສ, ມາສເຕີ້ອັລເບິຣ໌ດ ແລະມາສເຕີ້ມິຮາອິວ ຄອຍຕິດຕາມຄວາມເຄື່ອນໄຫວການສູ້ຮົບລະຫວ່າງຮັນເຕີ້ແລະມາເວີຣິກຢູ່ຫ່າງໆ.
ສຳລັບເກມນີ້ຈະມີ 2 ເນື້ອເລື່ອງ 2 ໂຕລະຄອນໃຫ້ເຮົາເລືອກຫຼິ້ນຕັ້ງແຕ່ເລີ່ມເກມຄື: ຄົນທຳອິດແມ່ນເກ ເດັກໜຸ່ມທີ່ຖືກພົບໃນແລັບຮ້າງໂດຍຫຸ່ນຮັນເຕີ້ ລາວໄດ້ຕື່ນຂຶ້ນມາຈາກການຫຼັບໂດຍບໍ່ສາມາດຈື່ຫຍັງໄດ້ເລີຍ ແລະຕ້ອງໜີເອົາຊີວິດລອດຈາກກອງກຳລັງທີ່ບໍ່ຮູ້ຝ່າຍ ທີ່ນຳສືບອະດີດຂອງຕົນເອງໃຫ້ໄດ້. ສ່ວນອີກຄົນໜຶ່ງແມ່ນແອດ ເດັກສາວທີ່ຢູ່ລະຫວ່າງປະຕິບັດພາລະກິດຊອກຫາໄບໂອເມທັລ ທີ່ລັດຖະບານຕັ້ງເປົ້າໄວ້ຢູ່ ເຊິ່ງໄບໂອເມທັລນີ້ຈະຖືກກຸ່ມຮັນເຕີ້ນອກຮີດຄວບຄຸມຢູ່ ແລະແອດກໍຕ້ອງຍາດເອົາໄບໂອເມທັລກັບມາເພື່ອເປົ້າໝາຍໃນພາລະກິດຂອງນາງນັ້ນເອງ.
Fact ເລັກນ້ອຍກ່ຽວກັບເກມ Rockman ZX Advent
- ເກມນີ້ໄດ້ຮັບຄຳວິຈານຈາກສຳນັກຣີວິວຫຼາຍແຫ່ງໄປໃນທາງບວກ ແຕ່ວ່າຍອດຂາຍພັດໄປບໍ່ໄດ້ເຖິງຄາດ ເມື່ອໃນອາທິດຂອງການວາງຈຳໜ່າຍຢູ່ຍີ່ປຸ່ນສາມາດເຮັດຍອດຂາຍໄປໄດ້ພຽງ 2 ໝື່ນກວ່າຊຸດເທົ່ານັ້ນ ແລະໃນທ້າຍປີດຽວກັນ ຍອດຂາຍກໍໄປຢູ່ປະມານ 64,000 ຊຸດ
- ຖ້າຜູ້ຫຼິ້ນເຄລຍເກມໃນລະດັບຄວາມຍາກ Hard ຫຼືສູງກວ່າໄດ້ສຳເລັດ ກໍຈະໄດ້ເຫັນສາກຈົບລັບຫຼັງຂຶ້ນ Credit ຂອງເກມ.
- ຖ້າຜູ້ຫຼິ້ນສາມາດເກັບ Medal ຈາກການຂ້າບອສໄດ້ຄົບ 24 ອັນ ໃຫ້ລອງເລືອກ New Game ອີກຄັ້ງແລ້ວຫຼິ້ນໄປຕາມເນື້ອເລື່ອງໄປຈົນຕອນທີ່ໄດ້ Model A ເຮົາຈະໄດ້ໄອເທັມລັບທີ່ຊື່ວ່າ “a” ມາອີກອັນໜຶ່ງ ບ່ອນນີ້ສາມາດກົດໃຊ້ເມນູໄອເທັມໄດ້ເລີຍ
- ຊື່ຂອງ 3 ນັກປາດທີ່ປະກົດໂຕໃນພາກນີ້ ໄດ້ແກ່ ມາສເຕີ້ໂທມັສ, ມາສເຕີ້ອັລເບິຣ໌ດ ແລະມາສເຕີ້ມິຮາອິວ ລ້ວນແຕ່ເປັນການນຳເອົາຊື່ມາຈາກ ດຣ.ໂທມັສ ໄລ, ດຣ.ອັລເບິຣ໌ດ ໄວລີ້ ແລະ ດຣ.ມິຮາອິວ ຄອສແຊັກ ຈາກຣ໋ອກແມນເວີຊັ່ນປົກກະຕິນັ້ນເອງ
ທີ່ມາ:online station,ເດັກລາວ