ຂປລ. ຕາມ​ການ​ລາຍ​ງານ​ຂອງ ທ່ານ ບົວ​ລີ ສອນ​ບັນດິດ ຮອງ​ຫົວໜ້າ​ສູນ​ຄົ້ນຄວ້າ​ກະສິກຳ​ໜອງແດງ ​​​ແຂວງ​ສາລະ​ວັນ ໃຫ້​ຮູ້​ວ່າ: ​ໄລຍະ 9 ​ເດືອນສົກ​ປີ 2016-2017 ສູນ​ດັ່ງກ່າວ​ ໄດ້​ສືບ​ຕໍ່​ຂະຫຍາຍ​ແນວ​ພັນ​ພືດ, ພັນສັດ ​ແລະ ປາ ​​ເພື່ອ​ສອງ​ໜອງ ​ໃຫ້​ແກ່​ປະຊາຊົນ, ໃນ​ນີ້​ສາມາດ​​ ຜະລິດ​ແນວ​ພັນ​ເຂົ້າ ​ລຸ້ນ 2 ​ແລະ ລຸ້ນ 3 ​ໄດ້​ທັງ​ໝົດ 77 ​ໂຕນ ​ແລະ ​​ໄດ້​ແຈກ​ຢາຍ​ໃຫ້​ປະຊາຊົນ​ໄປ​ແລ້ວ 49 ​ໂຕນ.

ສ່ວນ​​ການ​ຂະຫຍາຍ ​ແນວ​ພັນ​ງົວ​ ໃນ​ຈຳນວນ​ພໍ່​ພັນ​-ແມ່​ພັນ​ 38 ​ໂຕ ​​ແມ່ນ​ມີງົວ​ແມ່​ພັນ​ພື້ນ​ບ້ານ 20 ​ໂຕ, ພໍ່​ພັນ​ບາ​ລາມັນ 5 ​ໂຕ; ​ໄດ້​ປູກ​ຫຍ້າ​​ແນວ​ພັນມູລາ​ໂຕ ​ແລະ ອ້ອຍຊ້າງ​ ​​ໄດ້ໃນ​ເນື້ອ​ທີ 2 ​ເຮັກຕາ, ​ເກັບ​ແກ່ນ​ຫຍ້າມູລາ​ໂຕ້ ​10 ກິ​ໂລກຣາມ; ລ້ຽງ ​ແລະ ທອມ​ພໍ່​ພັນ-​ແມ່​ພັນ​ປາ 1 ພັນ​ກິ​​ໂລ ​ໃນ​ນັ້ນ​ມີ​ປາ​ນິນ, ປາ​​ໃນ, ປາປາກ, ປາສ້ອຍ, ປາດຸກ, ປານ​ວນຈັນ, ປາ​ເຄີງ, ສາມາດ​ເພາະ​ພັນ​ ລູກ​ປາ​ໄດ້ 5 ​ແສນ​ໂຕ ​ແລະ ລ້ຽງ​ປາ​ຊີ້ນ​ຂາຍ​ໄດ້ 2 ​ໂຕນ. ພ້ອມ​ນີ້, ຍັງມີ​ໝູ​ພໍ່​ພັນ 5 ​ໂຕ ​ແລະ ​ແມ່​ພັນ 39 ​ໂຕສາມາດ​ປະສົມ​ພັນຜະລິດ​ລູກໝູ​ໄດ້ 370 ​ໂຕ.

ແຫລ່ງຂ່າວ:

ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!