spot_img
Home​ຂ່າວບັນເທິງຮູບເງົາ "The Secret Life of Pets" ລົ້ມແຊ້ມເກົ່າ Finding Dory ລາຍໄດ້ເປີດໂຕຫລາຍກວ່າ ຮ້ອຍລ້ານໂດລາ

ຮູບເງົາ “The Secret Life of Pets” ລົ້ມແຊ້ມເກົ່າ Finding Dory ລາຍໄດ້ເປີດໂຕຫລາຍກວ່າ ຮ້ອຍລ້ານໂດລາ

Published on

The-Secret-Life-of-Pets-trailer

ທ້າຍອາທິດທີ່ຜ່ານມາ ຮູບເງົາທີ່ມີລາຍໄດ້ເປັນອັນດັບໜຶ່ງນັ້ນ ແມ່ນໜັງກ່ຽວກັບ ອັນດັບທີ່ໜຶ່ງ ກໍແມ່ນ The Secret Life of Pets ນັ້ນແຫລະ!.

ອັນດັບທີ່ 5: ຕົກເປັນຂອງ The Purge: Election Year ຮູບເງົາທີ່ຕໍ່ຍອດມາຈາກ The Purge ພາກກ່ອນທີ່ເລົ່າເລື່ອງການຂ້າຟັນກັນຂອງປະຊາຊົນ ໃນວັນທີ່ກົດໝາຍນັ້ນໄດ້ເປີດໂອກາດໃຫ້ປະຊາຊົນປົດປ່ອຍສັນຊາດຕະຍານໂຫດໄດ້ປີລະເທື່ອ. The Purge: Election Year ພາກໃໝ່ນີ້ ນອກຈາກຈະມີອົງປະກອບຕາມສູດຂອງຮູບເງົາແອກຊັນແລ້ວ ຍັງໄດ້ລົດຊາດເລື່ອງລາວກ່ຽວກັບການເມືອງນຳອີກ ພໍດີຖືກກັບຊ່ວງທີ່ມີການເລືອກຕັ້ງປະທານາທິບໍດີສະຫະລັດອະເມລິກາ.

ຕົວຢ່າງ : https://www.youtube.com/watch?v=RXMp9fBomJw

ອັນດັບທີ່ 4 : ເປັນຮູບເງົາທີ່ຫາກໍເຂົ້າສາຍໃໝ່ໆ ເອົາອົກເອົາໃຈໄວລຸ່ນ วัยรุ่น Mike and Dave Need Wedding Dates ເປັນເລື່ອງລາວຂອງສອງພີ່ນ້ອງຄູ່ແສບ ມັກກວນຕີນ ທີ່ຕ້ອງຫາຄູ່ຄວງເພື່ອໄປດອງນ້ອງສາວຢູ່ທີ່ລັດຮາວາຍ. ຮູບເງົາຕະຫລົກເລື່ອງນີ້ ໄດ້ເອົານັກສະແດງ Zac Efron ແລະ และ Adam Devine ມາສົມທົບຄູ່ກັນ ປ່ອຍມຸກແຮງໆໃສ່ກັນ ກອບໂກຍລາຍໄດ້ໄປເກືອບ 17 ລ້ານໂດລາ (ສຳລັບທ້າຍອາທິດໃນທະວີບອະເມລິກາເໜືອ)

ຕົວຢ່າງ : https://www.youtube.com/watch?v=33MtR-g4Jcg

ອັນດັບທີ່ 3 : ຮູບເງົາເງົາແຊ້ມເກົ່າໃນອາທິດກ່ອນ Finding Dory ເຖິງວ່າຈະເສຍບັນລັງໄປແລ້ວ ແຕ່ກໍບໍ່ເສຍໃຈ ເພາະກອບໂກຍລາຍໄດ້ໃນທະວີບອະເມລິກາເໜືອໄປແລ້ວ 420 ລ້ານໂດລາ. ຮູບເງົາເລື່ອງນີ້ ເປັນພາກຕໍ່ຈາກ Finding Nemo ເມື່ອ 13 ປີກ່ອນ ເປັນການເລົ່າເລື່ອງລາວຂອງປາຂີ້ລືມ Dory ຜູ້ທີ່ພັດພາກຈາກຄອບຄົວ ແລະໄດ້ເພື່ອນທີ່ຊ່ອຍອອກຕາມຫາພໍ່ແມ່ຂອງຕົນ.

Finding Dory ເຂົ້າມາຢູ່ໃນທຳນຽບຮູບເງົາໄດ້ 4 ອາທິດແລ້ວ ໄດ້ຄ່າບັດເຂົ້າຊົມໄປ 423 ລ້ານໂດລາ ເຊິ່ງພ້ອມທີ່ຈະໂຄ່ນລົ້ມຮູບເງົາ Shrek 2 ທີ່ທຳລາຍໄດ້ 437ລ້ານໂດລາ ເຊິ່ງເປັນຮູບເງົາອະນິເມຊັນ ທີ່ກອບໂກຍລາຍໄດ້ສູງທີ່ສຸດໃນປະຫວັດສາດທະວີບອະເມລິກາເໜືອ.

ຕົວຢ່າງ : https://www.youtube.com/watch?v=CBa4r_aKtYI

ອັນດັບທີ່ 2 : ເປັນຮູບເງົາທີ່ໃຊ້ເຕັກນິກໃນການເຄື່ອນທີ່ໄວນ ເກາະກິ່ງໄມ້ໄປພຸ້ນໄປພີ້ ຈົນເຮັດໃຫ້ The Legend of Tarzan ຮັກສາບັນລັງອັນດັບສອງໄວ້ຢ່າງໜຽວແໜ້ນ. ຮູບເງົາ “The Legend of Tarzan” ເປັນຮູບເງົາດາມ່າພະຈົນໄພຍ້ອນຍຸກ ໄປໃນປາຍສະຕະວັດທີ 19 ໃນຊ່ວງເວລາທີ່ປະເທດຄອງໂກຍັງຕົກເປັນອະນານິຄົມຂອງແບນຊິກ.

ໃນຕອນນີ້ ທາຊານເປີດໂຕມາແບບໃໝ່ ມາດເຂັ້ມຂຸ້ນ ເປັນຂຸນນາງອັງກິດ ເພາະວ່າຈາກປ່າມາດົນນານ ແຕ່ບໍ່ທັນທໍ່ໃດ ກໍຖືກຫລອກໃຫ້ກັບໄປອະຟຣິກາອີກຄັ້ງ ໂດຍຄົນປະເທດແບນຊິກ ທີ່ຕ້ອງການໃຊ້ໃຫ້ທາຊານເປັນຄົນແລກປ່ຽນຜົນປະໂຫຍດ.

ອັນດັບທີ່ 1 : ຮູບເງົາທີ່ກອບໂກຍເງິນສູງທີ່ສຸດໃນອາທິດທີ່ຜ່ານມາ ຄື The Secret Life of Pets  ເປັນກາຕູນອະນິເມຊັນ ກ່ຽວກັບພວກສັດລ້ຽງໃນເມືອງໃຫຍ່ ທີ່ມີທ້າວເອກເປັນໝາ ໄດ້ນຳເອົາສະເໜ່ ແລະພຶດຕິກຳຂອງສັດລ້ຽງມາສ້າງສຽງຫົວຂວັນໃຫ້ກັບຄົນທີ່ເບິ່ງ. ທ້າວເອກໃນເລື່ອງ Max ໄດ້ໝູ່ໃໝ່ ທີ່ເຂົ້າກັນບໍ່ຄ່ອຍໄດ້ ແຕ່ກໍຕ້ອງຮ່ວມຫົວຈົມທ້າຍ ຫລັງຈາກທີ່ກະຕ່າຍນັກເລງເຈົ້າຖິ່ນຈັບໄປທັງຄູ່.

ຫລັງຈາກນັ້ນ ການພະຈົນໄພຂອງພວກສັດລ້ຽງເພື່ອຊ່ອຍ Max ຈຶ່ງເລີ່ມຂຶ້ນ ຈະເປັນແນວໃດນັ້ນຂໍໃຫ້ທຸກຄົນຕິດຕາມກັນເບິ່ງ ວ່າຈະສົມກັບລາຍໄດ້ທີ່ກອບໂກຍໄປແລ້ວ 104 ລ້ານໂດລາຫລືບໍ່?

ຕົວຢ່າງ : https://www.youtube.com/watch?v=1UXWIVAIimU

 

 (ໂດຍBox Office Mojo)

ຂໍ້ມູນຈາກ :

unnamed

 

ບົດຄວາມຫຼ້າສຸດ

ສະຖານທູດຕວັກກີໃນລາວຈັດງານວັນປະຊາທິປະໄຕ ແລະ ສາມັກຄີແຫ່ງຊາດ

ໃນວັນທີ 15/07/2025, ທີ່ ນະຄອນຫຼວງວຽງຈັນ ສະຖານທູດຕວັກກີໃນລາວໄດ້ຈັດງານເນື່ອງໃນວັນປະຊາທິປະໄຕ ແລະ ສາມັກຄີແຫ່ງຊາດ ໂດຍ ທ່ານ ນາງ ໂອຢ່າ ຢ່າຊາຣ ( Oya...

ຜົນກອງປະຊຸມລັດຖະບານເປີດກວ້າງ ຄັ້ງທີ I ປີ 2025

ຜົນກອງປະຊຸມລັດຖະບານເປີດກວ້າງ ຄັ້ງທີ I ປີ 2025 ກອງປະຊຸມລັດຖະບານເປີດກວ້າງ ຄັ້ງທີI ປີ 2025 ອັດລົງໃນຕອນບ່າຍວັນທີ 16 ກໍລະກົດ 2025 ທີ່ຫໍປະຊຸມແຫ່ງຊາດ ພາຍຫລັງດຳເນີນມາເປັນເວລາ...

ມະຕິກອງປະຊຸມສະພາແຫ່ງຊາດກ່ຽວກັບການຮັບຮອງເອົາກົດໝາຍວ່າດ້ວຍການປົກຄອງທ້ອງຖິ່ນ (ສະບັບປັບປຸງ)

ມະຕິກອງປະຊຸມສະພາແຫ່ງຊາດກ່ຽວກັບການຮັບຮອງເອົາກົດໝາຍວ່າດ້ວຍການປົກຄອງທ້ອງຖິ່ນ (ສະບັບປັບປຸງ) ມີລາຍລະອຽດດັ່ງນີ້:

ຕັ້ງໃຈ ຫຼື ອຸບັດຕິເຫດ! ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ

ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ ເຮັດໃຫ້ມີຜູ້ເສຍຊີວິດເປັນຈຳນວນຫຼາຍ. ສຳນັກຂ່າວຕ່າງປະເທດລາຍງານໃນວັນທີ 12 ກໍລະກົດ 2025, ໜ່ວຍງານສອບສວນອຸບັດຕິເຫດທາງອາກາດອິນເດຍ (AAIB) ໄດ້ເຜີຍແຜ່ລາຍງານເບື້ອງຕົ້ນກ່ຽວກັບສາເຫດທີ່ເຮັດໃຫ້ເຮືອບິນສາຍການບິນແອອິນເດຍ (Air India) ຖ້ຽວບິນທີ AI171...