ສືບເນື່ອງຈາກເຫດຍິງສັນຊາດຈີນຖືກຍິງເສຍຊີວິດຕໍ່ໜ້າຜົວ ທີ່ຖືກເຜີຍແພ່ໄປທາງສື່ອອນລາຍຕັ້ງແຕ່ມື້ຄືນນີ້ນັ້ນ ຂ່າວຫລ້າສຸດເຫດຍິງຄົນຈີນເສຍຊີວິດຄືນຜ່ານມາໂດຍຂໍ້ມູນເບື້ອງຕົ້ນແມ່ນຊິງຊັບ
ຂ່າວຫລ້າສຸດຈາກຜູ້ເຫັນເຫດການຕັ້ງຂໍ້ສັງເກດ ແລະ ບອກເລົ່າຂໍ້ມູນເບື້ອງຕົ້ນໃຫ້ຊາບໃນວັນທີ 12/7/2016 ນີ້ວ່າ: ການຍີງກັນນັ້ນມີສາເຫດຊິງຊັບດຶງຖົງເງິນຂອງຄູ່ຜົວເມຍ ແຕ່ຜູ້ເສຍຊີວິດດຶງຄືນບໍ່ປ່ອຍໃຫ້ງ່າຍໆ ຈິ່ງເຮັດໃຫ້ຄົນຊ້ອນທາງຫລັງຈົກປືນມາຍີງທັນທີ ເຊິ່ງເຫດການດັ່ງກ່າວນີ້ໄດ້ເກີດຂຶ້ນເວລາປະມານ 21:25 ຂອງວັນທີ 11/7/16 ເປັນຄູ່ຜົວເມຍຊາວຈີນຄູ່ຫນຶ່ງຍ່າງຫລິ້ນນຳກັນມາຕາມເສັ້ນທາງ T2 ບັງເອີນມີລົດຈັກຄັນຫນຶ່ງ ທີ່ມີຄົນຂີ່ມານຳກັນສອງຄົນ ເຊິ່ງຄົນຊ້ອນນັ້ນເອງເປັນຜູ້ດຶງກະເປົາ ແຕ່ຜູ້ເຄາະຮ້າຍບໍ່ຍອມປ່ອຍກະເປົາ ຈຶ່ງມີການຕໍ່ສູ້ກັນ ແລະຊາຍຜິວດຳທີ່ຊ້ອນທ້າຍລົດຈັກ ໄດ້ໃຊ້ປືນຍີງໃສ່ໜ້າເອິກຂອງຜູ້ເຄາະຮ້າຍ ທີ່ເປັນຜູ້ຍິງຊາວຈີນໄວກາງຄົນ.