ຂປລ. ໂດຍໄດ້ຮັບການຊີ້ນຳ ນຳພາຈາກຄະນະບໍລິຫານງານພັກ ແຂວງໄຊຍະບູລີ ເຮັດໃຫ້ເມືອງພຽງ ໄດ້ຮັບການພັດທະນາຢ່າງຕໍ່ເນື່ອງ ແລະ ມີທ່າກ້າວຂຶ້ນຢ່າງບໍ່ຢຸດຢັ້ງ, ມາຮອດປັດຈຸບັນ ສາມາດລຶບລ້າງຄວາມທຸກຍາກໄດ້ແລ້ວ 99%, ເສດຖະກິດຂະຫຍາຍຕົວຢ່າງຕໍ່ເນື່ອງ ໃນຈັງຫວະບໍ່ຫລຸດ 11%/ ປີ, ລາຍຮັບສະເລ່ຍ 1.945 ໂດລາ/ຄົນ/ປີ, ການຜະລິດເຂົ້າບັນລຸ 34.200 ໂຕນ ສະເລ່ຍ 600 ກິໂລ/ຄົນ/ປີ ໃນແຕ່ລະປີສາມາດ ສົ່ງເຂົ້າອອກຂາຍ 14.000 ໂຕນ.
ຂະນະ
ດຽວກັນ, ເມືອງດັ່ງກ່າວ ໄດ້ສຳເລັດການສ້າງບ້ານພັດທະນາ 37 ບ້ານ, ບ້ານວັດທະນະທຳ 45 ບ້ານ, ບ້ານປອດຢາເສບຕິດ 33 ບ້ານ, ບ້ານປອດຄະດີ 49 ບ້ານ, ບ້ານສາທາລະນະສຸກແບບຢ່າງ 49 ບ້ານ ແລະ ໄດ້ຮັບຮອງເປັນເມືອງ ຢຸດຕິດການຖາງປ່າເຮັດໄຮ່ ແບບເລື່ອນລອຍໃນປີ 2012, ປະກາດຮັບຮອງ ເປັນເມືອງສະຫະພັນແມ່ຍິງ 3 ດີ ໃນປີ 2010, ຮັບຮອງເປັນເມືອງ 2 ດີ 5 ເປັນເຈົ້າຂອງ ສະຫະພັນກຳມະບານໃນປີ 2013, ປະກາດເປັນເມືອງຈົບຊັ້ນມັດທະຍົມຕອນຕົ້ນບຳລຸງ ທົ່ວເມືອງ ໃນປີ 2014 ແລະ ໄດ້ປະກາດເປັນ ຮັບຮອງເປັນເມືອງ 4 ບຸກຂອງຊາວໜຸ່ມໃນປີ 2015.ແຫລ່ງຂ່າວ:
ຕິດຕາມເລື່ອງດີດີເພຈທ່ຽວເມືອງລາວ Laotrips ກົດໄລຄ໌ເລີຍ!