spot_img
HomeມູມໄອທີລາວGionee M6 ຈະເປີດໂຕໃນວັນທີ 26 ນີ້ ມາພ້ອມກັບແບັດ 5000 mAh

Gionee M6 ຈະເປີດໂຕໃນວັນທີ 26 ນີ້ ມາພ້ອມກັບແບັດ 5000 mAh

Published on

​ຢ່າງທີ່ເວົ້າໄປໃນຂ່າວກ່ອນໜ້ານີ້ວ່າຊ່ວງນີ້ຜູ້ຜະລິດສະມາດໂຟນຈາກປະເທດຈີນດຸໝັ່ນກັນອອກລຸ້ນໃໝ່ມາຢູ່ເລື້ອຍໆ ແລະນີ້ກໍຖືເປັນຈຸດດີຢ່າງໜຶ່ງທີ່ຜູ້ໃຊ້ແບບເຮົາມີໂຕເລືອກຫຼາຍຂຶ້ນ ໃຫ້ສາມາດເລືອກຊື້ໃຊ້ໃຫ້ກົງຕາມຄວາມຕ້ອງການໄດ້. ໃນຕອນນີ້ເອງເຮົາກໍໄດ້ຮັບການຢືນຢັນແລ້ວວ່າ Gionee M6 ຜ່ານການຮອງຮັບຈາກ TENAA ແລະຈະເປີດໂຕໃນໄວໆນີ້. ໂດຍທາງ Gionee ໄດ້ວາງແຜນທີ່ຈະຈັດງານເປີດໂຕໂທລະສັບລຸ້ນດັ່ງກ່າວໃນວັນທີ 26 ກໍລະກົດນີ້ ທີ່ປະເທດຈີນ.

ສຳລັບສະເປັກຂອງ Gionee M6 ແມ່ນມາພ້ອມກັບຈໍ AMOLED ຂະໜາດ 5.5 ນິ້ວ, ຄວາມລະອຽດ fullHD (1920 x 1080 ພິກເຊວ) ແລະໃຊ້ງານຊິບປະມວນຜົນ Snapdragon 652. ນອກນີ້ກໍມາພ້ອມກັບ RAM 4GB ແລະ ROM 32 GB.

ໂຕເຄື່ອງ Gionee M6 ແມ່ນຈະເຮັດດ້ວຍໂລຫະໝົດໂຕ, ທາງດ້ານລະບົບເຄື່ອຂ່າຍແມ່ນຮອງຮັບ 2 ຊິມ ແລະໃຊ້ງານລະບົບ Android 6.0. ທາງດ້ານຫຼັງໂຕເຄື່ອງຈະມີເຊັນເຊີ້ສະແກນນິ້ວມື, ຖັດຈາກເຊັນເຊີ້ສະແກນນິ້ວມືກໍມີ ກ້ອງຫຼັງຄວາມລະອຽດ 13 ລ້ານພິກເຊວ. ສ່ວນກ້ອງໜ້ານັ້ນໃຫ້ມາ 8 ລ້ານພິກເຊວ.

ສຳລັບໄຮໄລ້ທີ່ສຳຄັນຂອງ Gionee M6 ກໍຄືແບັດເຕີຣີທີ່ໃຫ້ຄວາມຈຸມາ 5000 mAh ຖືວ່າເຫຼືອເຟືອສຳລັບໃຜທີ່ມັກຫຼິ້ນເກມ. ນອກຈາກລຸ້ນທີ່ກ່າວມາແລ້ວຍັງມີຂ່າວລືກ່ຽວກັບ Gionee M6 Plus ອີກນຳ, ແຕ່ເຖິງຢ່າງໃດກໍຕາມໃນມື້ເປີດໂຕເຮົາກໍຈະໄດ້ເຫັນຂໍ້ມູນແລະໂຕເຄື່ອງເຕັມໆເອງ ໃນວັນ 26 ກໍລະກົດນີ້.
ທີ່ມາ:gizmochina,ເດັກລາວ

ບົດຄວາມຫຼ້າສຸດ

ຈັບຊາຍຊາວຈີນ ຫຶງໂຫດລົງມືຄາຕະກຳແຟນສາວ ຢູ່ທ່າແຂກ ແຂວງຄຳມ່ວນ

ຈັບຊາຍຊາວຈີນ ຫຶງໂຫດລົງມືຄາຕະກຳແຟນສາວ ຢູ່ທ່າແຂກ ແຂວງຄຳມ່ວນ ຍ້ອນຄິດວ່າແຟນສາວຈະເດີນທາງໄປຫາຜູ້ບ່າວ. ເຈົ້າໜ້າທີ່ ປກສ ເເຂວງຄໍາມ່ວນ ລາຍງານວ່າ: ວັນທີ 8 ພຶດສະພາ 2025 ເຈົ້າໜ້າທີ່ໄດ້ນໍາຕົວ ທ້າວ...

1 ນະຄອນ ແລະ 5 ເມືອງຂອງແຂວງຈໍາປາສັກໄດ້ຮັບໃບຢັ້ງຢືນເປັນນະຄອນ – ເມືອງພົ້ນທຸກ

ຊົມເຊີຍ 1 ນະຄອນ ແລະ 5 ເມືອງຂອງແຂວງຈຳປາສັກໄດ້ຮັບໃບຢັ້ງຢືນເປັນນະຄອນ - ເມືອງພົ້ນທຸກ. 1 ນະຄອນ ແລະ 5 ເມືອງຂອງແຂວງຈໍາປາສັກ ຄື: ນະຄອນປາກເຊ,...

ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ

ບໍລິສັດໄຟຟ້າລາວເຊັນ MOU ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ. ໃນວັນທີ 5 ພຶດສະພາ 2025 ຢູ່ ສໍານັກງານໃຫຍ່...

ຕິດຕາມ, ກວດກາການບູລະນະ ເຮືອນພັກຂອງທ່ານ ໜູຮັກ ພູມສະຫວັນ ອະດີດການນໍາຂັ້ນສູງແຫ່ງ ສປປ ລາວ

ຄວາມຄືບໜ້າການບູລະນະ ເຮືອນພັກຂອງທ່ານ ໜູຮັກ ພູມສະຫວັນ ອະດີດການນໍາຂັ້ນສູງແຫ່ງ ສປປ ລາວ ວັນທີ 5 ພຶດສະພາ 2025 ຜ່ານມາ, ທ່ານ ວັນໄຊ ພອງສະຫວັນ...