ໃນວັນທີ 16 ມິຖຸນານີ້ ຢູ່ກະຊວງຖະແຫຼງຂ່າວ, ວັດທະ ນະທຳ ແລະ ທ່ອງ ທ່ຽວ ໄດ້ມີພິ ທີມອບເງິນອຸປະຖຳກອງປະ ຊຸມໃຫຍ່ຂອງສະມາຄົມສິລະປິນຄັ້ງ ທີ 1 ຊຶ່ງຈະຈັດຂຶ້ນໃນວັນທີ 30 ມິຖຸນານີ້ ຢູ່ນະຄອນຫຼວງວຽງ ຈັນຄື: ບໍລິສັດ ຈິດຈະ ເລີນກໍ່ສ້າງ ມູນຄ່າ 10 ລ້ານກີບ, ບໍລິສັດ ທີເຄ ກໍ່ສ້າງ-ຂົວທາງ 10 ລ້ານກີບ, ບໍລິສັດ ແສງດາລາ 2 ລ້ານ ກີບ, ຮ້າຍຂາຍເຄື່ອງ ດົນຕີທິນນາລັດ 2 ລ້ານກີບ ແລະ ບໍລິສັດ ລາວ ຈະເລີນສິນ 2 ລ້ານກີບ ລວມມູນ ຄ່າທັງໝົດ 26 ລ້ານກີບ ຊຶ່ງເປັນ ກຽດ ກ່າວຮັບໂດຍ ທ່ານ ບົວເງິນ ຊາພູວົງ ລັດຖະມົນຕີຊ່ວຍວ່າ ການກະຊວງຖະແຫຼງຂ່າວ, ວັດ ທະນະທຳ ແລະ ທ່ອງທ່ຽວ. ເຊິ່ງ ທ່ານໄດ້ກ່າວສະແດງຄວາມ ຂອບໃຈວ່າ : ວຽກງານສິລະປະ ການສະແດງ, ແມ່ນມີບົດບາດ ສຳຄັນໃນການເຜີຍແຜ່ ແລະ ຮັກ ສາຮີດຄອງປະເພນີ ແລະ ວັດທະ ນະທຳ, ພົ້ນເດັ່ນແມ່ນໃນໄລຍະ ຕໍ່ສູ້ກູ້ຊາດ, ນັກສິລະປິນໄດ້ແຕ່ງ ບົດເພງ ແລະ ຮ້ອງ
ເພື່ອຂັວນກຳ ລັງໃຈໃຫ້ປະຊາຊົນພາຍໃນຊາດມີຄວາມສາມັກຄີ ແລະ ເປັນປຶກ ແຜ່ນໃນການຕໍ່ສູ້ຕ້ານພວກຈັກ ກະພັດເຮັດ ໃຫ້ປະເທດຊາດໄດ້ ຮັບການປົດປ່ອຍ ແລະ ພັດທະ ນາກ້າວຂຶ້ນຕາມແນວທາງນະ ໂຍບາຍຂອງພັກ-ລັດ, ໃນປັດຈຸ ບັນນັກສິ ລະປິນກໍໄດ້ມີການແຕ່ງບົດເພັງທີ່ເປັນເອກະລັກ ແລະ ສະ ແດງເຖີງວັດທະນະທຳລາວ, ແຕ່ແນວໃດກໍຍັງເຫັນວ່າການ ສົ່ງ ເສີມການຮ້ອງເພັງຍັງບໍ່ທັນ ຕອບສະໜອງໄດ້ກັຄວາມຮຽກ ຮ້ອງຕ້ອງການສັງຄົມບາງບົດ ເພັງແຕ່ງຂຶ້ນບໍ່ແທດເໝາະກັບ ວັດທະ ນະທຳເຮັດໃຫ້ເປັນປາກົດ ການຫຍໍ້ທໍ້, ສະນັ້ນ ກອງປະຊຸມ ໃຫຍ່ຂອງສະມາຄົມສິລະປິນ ລາວ ຄັ້ງປະຖົມມະລຶກນີ້ ຈະເປັນ ໂອກາດທີ່ເພື່ອຊ່ວຍຊຸກຍູ້ສົ່ງ ເສີມໃຫ້ວັດທະນະທຳຂອງລາວເຮົາຫຍາຍຕົວ, ແລະ ສາມາດເຊື່ອມໂຍງກັບບັນດາ ປະເທດ ພາກພື້ນ ແລະ ສາກົນ ທັງເປັນການສົ່ງເສີມບົດບາດການເຄື່ອນ ໄຫວຂອງສິລະປິນ ແລະ ນັກສະ ແດງລາວເຮົານັບມື້ພົ້ນເດັ່ນຂຶ້ນ.