Homeຂ່າວຕ່າງປະເທດຜູ້ນຳ​ອິນ​ເດຍຢ້ຽມຢາມ 4 ປະ​ເທດໃນ​ອາ​ຟຣິກາ

ຜູ້ນຳ​ອິນ​ເດຍຢ້ຽມຢາມ 4 ປະ​ເທດໃນ​ອາ​ຟຣິກາ

Published on

ທ່ານ ນະ​ເຣນທຣາ ​ໂມ​ດີ ນາຍົກລັດຖະມົນຕີຂອງອິນ​ເດຍ ກຽມ​ເດີນທາງ​ຢ້ຽມຢາມ 4 ປະ​ເທດ​ໃນ​ອາ​ຟຣິກາ ​ເລີ່​ມຕັ້ງ​ແຕ່​ວັນ​ທີ 7 ກໍລະກົດ ​ເພື່ອ​​ຮ່ວມ​ມື​ທາງ​ດ້ານ​ການ​ຄ້າ, ການ​ລົງ​ທຶນ ​ແລະ ພະລັງງານ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ ຜູ້ນຳອິນ​ເດ​ຍພ້ອມ​ດ້ວຍ​ຄະນະ​ກຽມ​ເດີນທາງ​ຢ້ຽມຢາມ 4 ປະ​ເທດ​ໃນ​ອາ​ຟຣິກາ ​ໂດຍ​ຈະ​ເລີ່​ມຈາກ​ໂມ​ຊຳ​ບິ​ກ, ອາ​ຟຣິກາ​ໃຕ້, ​ແທນ​ຊາ​ນີ ​ແລະ ​ເຄນ​ຢາ ​ໂດຍ​ຕັ້ງ​ຄວາມ​ຫວັງ​ການ​ຢ້ຽມຢາມ​ເທື່ອ​ນີ້​ຈະ​ຊ່ວຍ​ສົ່ງ​ເສີມ​ຄວາມ​ຮ່ວມ​ມື​ດ້ານ​ການ​ຄ້າ, ການ​ລົງ​ທຶນ ​ແລະ ພະລັງງານ ຊຶ່ງ​ທັງ 4 ປະ​ເທດ​ອາ​ຟຣິກາ​ເປັນ​ເພື່ອນ​ບ້ານ​ຂອງ​ອິນ​ເດຍ​ ​ແລະ ​ເປັນ​ກຸ່ມ​ປະ​ເທດ​ປະຕູ​ທາງ​ຜ່ານ​ຂອງ​ສິນຄ້າ​ສົ່ງ​ອອກ ​ແລະ ພໍ່ຄ້າ​ອິນ​ເດຍ​ໃນ​ການ​ເຂົ້າ​ສູ່​ບັນດາ​ປະ​ເທດ​​ໃນ​ທະວີບອາ​ຟຣິກາ​ທີ່​ບໍ່​ມີ​ດິນ​​ແດນ​ຕິດ​ກັບ​ທະ​ເລ.

ທ່ານ ມາຊິນ​ຮາລັດຖະມົນຕີ​ວ່າການ​ກະຊວງ​ຕ່າງປະ​ເທດ​ອິນ​ເດຍກ່າວ​​ວ່າ ພະລັງງານ ​ແລະ ຄວາມ​ໝັ້ນຄົງ​ດ້ານ​ອາຫານ ​ແລະ ຄາດ​ຄະ​ເນ​ວ່າ ຈະ​ມີ​ການ​ລົງ​ນາມ​ຂໍ້​ຕົກລົງ​ດ້ານ​ການບິນ​ພົນລະ​ເມືອງ​ເພື່ອ​ເຊື່ອມ​ຕໍ່​ສາຍ​ການບິນ​ໂດຍ​ກົງ ​ເນື່ອງ​ຈາກ​ປະຈຸ​ບັນ​ຍັງ​ບໍ່​ທັນ​ມີ​ສາຍ​ການບິນ​ໃດ​ຂອງ​ອິນ​ເດຍບິນ​ໂດຍ​ກົງ​ສູ່​ອາ​ຟຣິກາ.

ທ່ານ ສະຣີຣາມ ຊໍ​ເລຍ  ຫົວໜ້າ​ສະ​ຖາ​ບັນ​ກິດຈະການ​ລະຫວ່າງ​ປະ​ເທດ​ໃນ​ລັດ​ຫະຍາ​ທາ​ກ່າວ​ວ່າ ບໍ່​ມີ​ການ​ແຂ່ງຂັນ​ກັນ​ລະຫວ່າງ​ອິນ​ເດຍກັບສປ ຈີນ ​ໂດຍ​ຈີນ​ມຸ່ງ​ເນັ້ນ​ການ​ລົງທຶນ​ໃນ​ໂຄງການ​ສາທາລະນະ​ປະ​ໂພ​ກຂະໜາດ​ໃຫຍ່​ເຊັ່ນ: ການ​ກໍ່ສ້າງ​ທາງ​ລົດ​ໄຟ, ​ທ່າ​ເຮືອ ​ແລະ ທາງ​ຫຼວງ​ຢູ່​ອາ​ຟຣິກາ ສ່ວນ​ອິນ​ເດຍສາມາດ​ໃຫ້​ຄວາມ​ຊ່ວຍ​ເຫຼືອ​ດ້ານ​ການ​ພັດທະນາ​ອຸດສາຫະກຳ​ຂະໜາດ​ນ້ອຍ ​ແລະ ຂະໜາດ​ກາງ ​ແລະ ພັດທະນາ​ຊັບພະຍາກອນ​ມະນຸດ​ທາງ​ດ້ານ​ສຶກສາ, ສາທາລະນະ​ສຸກ ​ແລະ ກະ​ສິກຳ.

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...