ສຳບາຍດີທຸກໆທ່ານ ທີ່ກຳລັງຊອກສະແຫວງຫາຄວາມປ່ຽນແປງໃນຊີວິດ ຜູ້ຂ້າໃນຖານະທີ່ຖືປາຍປາກກາ ລະບາຍຕົວໜັງສືລົງທາງໜ້າເຈ້ຍ ແລະແປ້ນພິມຄອມພິວເຕີ ໃນມື້ນີ້ກໍມີສິ່ງດີໆທີ່ຈະເອົາມາຝາກ ເຊິ່ງ (ອາດ) ຈະເປັນແສງສະຫວ່າງທີ່ຈະນຳພາຊີວິດຂອງທ່ານ ຫລຸດພົ້ນນອກຈາກຄວາມມືດ ຫລືຄວາມຄຶດທາງດ້ານລົບກໍເປັນໄດ້ (ຖ້າປະຕິບັດຕາມຢ່າງຈິງຈັງ).
ວິທີພັດທະນາຄວາມຄຶດໃນທາງບວກນັ້ນ ມີຢູ່ 10 ຢ່າງດັ່ງນີ້ :
- ຄຶດເຖິງໃນສິ່ງທີ່ເຮົາປາຖະໜາ ແລະສັດທາຕໍ່ອາຊີບຂອງຕົນເອງ.
- ມີຄວາມຄຶດ ແລະຄວາມເຊື່ອທີ່ດີຕໍ່ສິ່ງທີ່ເຮົາຄຶດ.
- ຄຶດແຕ່ໃນທາງບວກ ເພາະຈະເຮັດອາຊີບຂອງເຮົາປະສົບຜົນສຳເລັດ ແລະວ່ອງໄວກວ່າຄຶດທາງດ້ານລົບ.
- ການຄຶດບວກເຮັດເກີດມີຄວາມຄຶດທີ່ສ້າງສັນ.
- ການຄຶດບວກເຮັດໃຫ້ເກີດພະລັງທີ່ຍິ່ງໃຫຍ່.
- ສຸຂະພາບທີ່ດີກໍມາຈາກການຄຶດດີ.
- ເຝິກເວົ້າ ເຝິກວ່າໃນທາງທີ່ສ້າງສັນ.
- ເບິ່ງຫາຂໍ້ດີ ແລະຊົມເຊີຍຄົນທີ່ຢູ່ອ້ອມຂ້າງ ຫລືເພື່ອນຮ່ວມງານ ເຊິ່ງຖືວ່າເປັນການສົ່ງເສີມໃນທາງບວກ.
- ຟັງແຕ່ສິ່ງທີ່ດີໆ, ຄົບຄົນດີໆ ແລະຮຽນເອົາແບບຄົນດີໆ.
- ປະຕິບັດຕາມທຸກຂໍ້ທີ່ຜ່ານມາຈົນເປັນນິໄສ ຈະເຮັດເກີດຄວາມປ່ຽນແປງໃນຊີວິດຂອງທ່ານໄດ້.
ເອກະສານອ້າງອີງ : ປຶ້ມພິກຊີວິດ ສູ່ຄວາມສຳເລັດ