ສຳນັກຂ່າວຣອຍເຕີ້ ລາຍງານໃນວັນທີ 6 ກໍລະກົດນີ້ວ່າ ແຫລ່ງຂ່າວຈາກຄະນະກຳມະການສືບສວນ ໄດ້ເປີດເຜີຍໃນມື້ວານນີ້ (5 ກໍລະກົດ 2016) ວ່າສຽງຈາກກ່ອງດຳ ຫລື ກ່ອງບັນທຶກສຽງສົນທະນາໃນຫ້ອງນັກບິນ ຂອງເຮືອບິນເອຢິບແອຣ໌ ຖ້ຽວບິນ MS804 ຊຶ່ງປະສົບອຸບັດເຫດຕົກ ໃນທະເລເມດິແຕຣານຽນ ເມື່ອວັນທີ 19 ພຶດສະພາຜ່ານມາ ບົ່ງຊີ້ວ່າ ມີຄວາມພະຍາຍາມ ທີ່ຈະມອດດໄຟເທິງເຮືອບິນ ກ່ອນທີ່ເຮືອບິນຈະດິ່ງລົງສູ່ທະເລ ສົ່ງຜົນເຮັດໃຫ້ມີຜູ້ເສຍຊີວິດທັງໝົດລຳລວມ 66 ຄົນ ໂດຍທີ່ສາເຫດຂອງໂສກນາຕະກຳຄັ້ງນີ້ ຍັງຄົງເປັນປິດສະໜາ.
ທັງນີ້ ຜົນການວິເຄາະກ່ອງຂໍ້ມູນການບິນເບື້ອງຕົ້ນ ກໍໄດ້ພົບວ່າ ມີຄວັນໃນຫ້ອງນ້ຳເຮືອບິນ ແລະ ແຜງຄວບຄຸມ ຂະນະທີ່ເສດຊິ້ນສ່ວນເຮືອບິນທີ່ເກັບກູ້ຂຶ້ນໄດ້ ກໍພົບເຫັນມີຮ່ອງຮອຍຄວາມເສຍຫາຍ ຈາກຄວາມຮ້ອນສູງ ແລະ ມີຮອຍຄວັນດຳ.
ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!