ຕາມຂໍ້ມູນຈາກສານປະຊາຊົນ ແຂວງຫົວພັນ ໃຫ້ຮູ້ວ່າ: ໃນໄລຍະ 5 ປີຜ່ານມາ ມີຄະດີເຂົ້າມາສານປະຊາຊົນແຂວງ ແລະ ສານເຂດ ໃນແຂວງຫົວພັນ ທັງໝົດ 672 ເລື່ອງ, ແກ້ໄຂແລ້ວ 640 ເລື່ອງ ເທົ່າກັບ 95,2%, ຍັງຄ້າງ 32 ເລື່ອງ ເຊິ່ງເປັນຄະດີເຂົ້າມາໃໝ່ ແລະ ບາງເລື່ອງຂໍ້ມູນ ຍັງພວມດຳເນີນຄະດີຕື່ມ.
ຂະນະດຽວກັນ ກໍໄດ້ສົ່ງຄຳຕັດສິນ ແລະ ຄຳພິພາກສາຂອງສານ ທີ່ໃຊ້ໄດ້ເດັດຂາດ ໃຫ້ຫ້ອງການຈັດຕັ້ງ ປະຕິບັດຄຳຕັດສິນຂອງສານ ທີ່ຂຶ້ນກັບພະແນກຍຸຕິທຳແຂວງຈຳນວນ 248 ສຳນວນ ມີມູນຄ່າຮ່ວງມອບລັດ 9,6 ຕື້ກວ່າກີບ, ເງິນໂດລາ 63.630 ໂດລາສະຫະລັດ, ເງິນດົງ ຫວຽດນາມ 733.000 ດົງ, ເງິນບາດໄທ 33.540ບາດ ແລະ ມອບສົ່ງຄືນໃຫ້ບຸກຄົນ ແລ້ວຈຳນວນໜຶ່ງ; ໄດ້ຕັດສິນຮິບຂອງກາງຄະດີ ທີ່ນຳໃຊ້ເຂົ້າໃນການກະທຳຜິດ ເປັນຕົ້ນ ເຮໂລອິນແທ້ 16,747 ກິໂລກ, ເຮໂຣອິນປອມ ເກືອບ 40 ກິໂລກ ແລະ 4 ແທ່, ຢາບ້າ 8 ກິໂລກ, ຢາບ້າປອມ 240 ກຣາມ, ຝິ່ນ 500 ກຣາມ ແລະ ອຸປະກອນຢາເສບຕິດ, ລົດໃຫຍ່ 3 ຄັນ, ລົດຈັກ 75 ຄັນ,ລົດຖີບ 6 ຄັນ ແລະ ໂທລະສັບ 67 ເຄື່ອງ.
ທີ່ມາ: http://kpl.gov.la/detail.aspx?id=14528