ວັນນີ້ເຮົາມາເບິ່ງກັນວ່າ ຄົນທີ່ມີຄວາມສຳເລັດໃນຊີວິດນັ້ນເຂົາມີນິໃສແບບໃດ ເຮົາມາອ່ານກັນເລີຍ
1. ເປັນນັກຕັ້ງເປົ້າຫມາຍ
ເຂົາຕັ້ງເປົ້າຫມາຍກັບສີ່ງທີ່ເຂົາຕ້ອງການດ້ວຍຄວາມມຸ່ງຫມັ້ນທີ່ຈະເຮັດໃຫ້ມັນສຳເລັດ ພາຍໃນເວລາທີ່ກຳນົດ ມີເຫດຜົນໃຫ້ໂຕເອງໃຫ້ຫລາຍພໍໃນການຕັ້ງເປົ້າຫມາຍວ່າເປັນຫຍັງເຂົາຈືງຕ້ອງການມັນ ການຕັ້ງເປົ້າຫມາຍເປັນການສ້າງພາບຄວາມສຳເລັດລ່ວງຫນ້າ ເຮັດໃຫ້ເຂົາເຫັນແລະຮູ້ສຶກເຖິງຄວາມສຳເລັດຕັ້ງແຕ່ເລີ່ມຕົ້ນເພື່ອເປັນແຮງພະລັງຜັກດັນຢ່າງມະຫາສານໃນການເຮັດສິ່ງຕ່າງໆໃຫ້ສຳເລັດ ໄວຂຶ້ນ
2. ໂຟກັດເທື່ອລະຢ່າງ
ຄົນທີ່ປະສົບຜົນສຳເລັດເປັນຄືກັບແສງເລເຊີ ທີ່ລວມເອົາພະລັງທັງຫມົດສຸມຢູ່ຈຸດດຽວ ຍິງໄປຈຸດໆຫນຶ່ືງ ຈົນຈຸດນັ້ນລະລາຍ ຄົນທີິ່ປະສົບຜົນສຳເລັດ ເຂົາໂຟກັດໄປທີ່ເປົ້າຫມາຍອັນທ້າທາຍ ແລະຈະທຸ້ມເທພະຍາຍາມຫມົດຄວາມສາມາດ ບໍ່ຍອມແພ້ຈົນກວ່າຈະສຳເລັດ
3. ໃຫ້ຄວາມສຳຄັນກັບເວລາ
ເຂົາໃຊ້ເວລາຢ່າງມີປະສິດຕິພາບ ຄິດເຖີງຄຸນຄ່າທີ່ຈະສ້າງຂື້ນໃຫ້ກັບຕົນເອງແລະຄົນອື່ນ ເຂົາຕ້ອງການໃຊ້ເວລາໃຫ້ເກີດປະໂຫຍດສູງສຸດ ຄຸ້ມຄ່າທີ່ສຸດ
4. ໃຊ້ຈ່າຍຫນ້ອຍກວ່າທີ່ຫາມາ
“ຢ່າທ້ອນເງີນທີ່ເຫລືອຈາກການໃຊ້ຈ່າຍ ແຕ່ຕ້ອງໃຊ້ຈ່າຍຂາກເງີນທີ່ເຫລືອທ້ອນ” Warren Buffet ກ່າວໄວ້
5. ຮຽນຮູ້ແລະພັດທະນາໂຕເອງສະເຫມີ
ເຈົ້າສາມາດເພີ່ມຄູນຄ່າຂອງເຈົ້າທີ່ມີຕໍ່ຄົນອື່ນດ້ວຍການເລີ່ມຕົ້ນຮຽນສີ່ງໃຫມ່ໆແລະຫາປະສົບການໃຫມ່ໆໃຫ້ແກ່ຕົນເອງທຸກໆມື້ ການເຮັດວຽກຫນັກພຽງຢ່າງດຽວບໍ່ສາມາດໃຫ້ເຈົ້າປະສົບຜົນສຳເລັດໄດ້
6. ບໍ່ຍອມແພ້
ຄົນທີ່ປະສົບຜົນສຳເລັດລ້ວນແຕ່ຜ່ານຄວາມລົ້ມເຫລວມາແລ້ວຫລາຍຢ່າງນັບບໍ່ຖ້ວນ ແຕ່ເຂົາກໍ່ສາມາດຢືນຂື້ນໄດ້ສະເຫມີ ເມື່ອເຈົ້າບໍ່ຍອມແພ້ເຈົ້າສາມາດຮຽນຮູ້ ພັດທະນາໂຕເອງໄດ້ຈາກທຸກຄວາມຜິດພາດແລະຄວາມລົ້ມແຫລວ
7. ໃຈກວ້າງແລະມີນ້ຳໃຈ
ເຂົາບໍ່ພຽງແຕ່ສ້່າງຄູນຄ່າໃຫ້ກັບຕົນເອງ ເຂົາມຸ່ງເນັ້ນທີ່ຈະສ້າງຄຸນຄ່າໃຫ້ກັບຜູ້ອື່ນເປັນຫລັກນຳ ດ້ວຍຄວາມເຊື່ອທີ່ວ່າ ຍິ່ງໃຫ້ ຍິ່ງໄດ້
ຂໍ້ຄວາມຈາກ: ນັກທຸລະກິດມືໃຫມ່ entrepreneur