ສຳນັກຂ່າວເອພີ ລາຍງານໃນວັນທື 29 ມິຖຸນາຜ່ານມານີ້ວ່າ ໂຄສົກອົງການອົບສະຣາຂອງກຳປູເຈຍ ໄດ້ອອກມາເປີດເຜີຍ ຜົນການທົດສອບໂດຍສະຖາບັນວິໄຈ ໃນປະເທດນິວຊີແລນ ກ່ຽວກັບອາຍຸຂອງເຮືອບູຮານ ທີ່ຖືກຄົ້ນພົບຢູ່ພື້ນໜອງນ້ຳ ບໍ່ໄກຈາກຜາສາດຫີນນະຄອນວັດວ່າ ເຮືອບູຮານດັ່ງກ່າວ ມີຄວາມຍາວ 12.8 ແມັດ ສ້າງຂຶ້ນດ້ວຍໄມ້ລຳດຽວ ມີອາຍຸຢູ່ໃນໄລຍະຕົ້ນຂອງສະຕະວັດທີ 13 ຊຶ່ງຖືເປັນເຮືອບູຮານ ທີ່ມີອາຍຸເກົ່າແກ່ທີ່ສຸດ ເທົ່າທີ່ເຄີຍຖືກຄົ້ນພົບຢູ່ໃນກຳປູເຈຍ.
ເຮືອບູຮານລຳດັ່ງກ່າວນີ້ ຖືກພົບໂດຍຊາວບ້ານໃນເຂດດັ່ງກ່າວ ໃນຂະນະທີ່ກຳລັງຂຸດລວງໜອງນ້ຳ ຊຶ່ງການຄົ້ນພົບຄັ້ງນີ້ ຈະເປັນປະໂຫຍດໃຫ້ແກ່ນັກວິຊາການ ໄດ້ສຶກສາຄົ້ນຄວ້າກ່ຽວກັບ ອານາຈັກຂອມ ໃນອະດີດ ທີ່ຈະເລີນຮຸ່ງເຮືອງ ໃນໄລຍະແຕ່ສະຕະວັດທີ 9 ເຖິງສະຕະວັດທີ 15.
ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!