ໃນຫົວຂໍ້ຂອງຄວາມງາມ ວັນນີ້ພວກເຮົາມີອີກໜຶ່ງສູດທີ່ບອກວ່າເຮັດແລ້ວໄດ້ຜົນຈິງ ແລະ ບໍ່ຕ້ອງເສຍເງິນຫຼາຍອີກ ຖ້າໃຜຢາກມີຜິວຂາວໃສຂຶ້ນໄດ້ໄວທັນໃຈລອງເອົາສູດນີ້ໄປໃຊ້ເບິ່ງຮັບຮອງວ່າໄດ້ຜົນ ເພາະມີຄົນເຮັດແລ້ວໄດ້ຜົນ ແອັດມິນເລີຍນຳມາບອກຕໍ່
ສູດໂລຊັ່ນ ກັບ ນ້ຳຕານ ເພື່ອເຮັດສູກຂັດຜິວ: ພຽງຕັກນ້ຳຕານ 2 ບ່ວງແກງ ລົງຖ້ວຍນ້ອຍ ຫຼື ພາສະນະອື່ນກໍ່ໄດ້ ຈາກນັ້ນກໍ່ບີບໂລຊັ່ນທາຜິວທີ່ທ່ານໃຊ້ເປັນປະຈຳ ລົງໃນຖ້ວຍນ້ຳຕານໃນປະລິມານທີ່ພໍດີ ຈາກນັ້ນກໍ່ຄົນທັງສອງຢ່າງນັ້ນໃຫ້ເຂົາເປັນເນື້ອດຽວກັນ ເນື້ອມັນຈະເຫຼວໆເລັກໜ້ອຍ
ວິທີໃຊ້: ເວລາອາບນ້ຳ ແມ່ນເຮົາກໍ່ເອົາມາຂັດຜິວ ເອົາມາຖູເບົາລົງຕາມແຂນ, ຂາ, ຫຼື ທົ່ວຮ່າງກາຍ… ຖູເບົາໆປະມານ 5-10 ນາທີ ຫຼື ຕາມທີ່ທ່ານພໍໃຈ ຈາກນັ້ນກໍ່ລ້າງອອກດ້ວຍນ້ຳສະອາດ ແລະ ກໍ່ອາບນ້ຳໃສ່ສະບູຕາມປົກກະຕິ ພຽງຄັ້ງທຳອິດທ່ານກໍ່ຈະຮູ້ສຶກເລີຍວ່າສີຜິວທ່ານຈະຮຸ່ງຂຶ້ນເລັກໜ້ອຍ ແລະ ຮູ້ສຶກນຸ້ມໆ ສູດນີ້ສາມາດເຮັດໄດ້ທຸກວັນໃນເວລາອາບນ້ຳ ເຮັດວັນລະຄັ້ງກໍ່ໄດ້ ຫຼື ບໍ່ມີເວລາອາທິດລະ 3 ຄັ້ງກໍ່ໄດ້ ແຕ່ຖ້າທ່ານເຮັດທຸກມື້ພາຍໃນ 1 ອາທິດ ທ່ານກໍ່ຈະໄດ້ຜົນຮັບທີ່ໜ້າພໍໃຈທັນທີ
ລອງນຳສູດນີ້ໄປເບິ່ງຮັບຮອງວ່າໄດ້ຜົນ ແຖມປະຫຍັດເງິນໃນກະເປົາອີກດ້ວຍ