ຫາກລູກນ້ອຍຂອງທ່ານເກີດມີອາການຖອກທ້ອງ ແນ່ນອນເລີຍວ່າພໍ່ແມ່ຄົງກຸ້ມໃຈບໍ່ໜ້ອຍ ໂດຍສະເພາະພໍ່ແມ່ມືໃໝ່ ອາດຈະຮູ້ວິທີຮັບມືທີ່ຖືກຕ້ອງ ສຳລັບ ແມ່ ແລະ ເດັກ ວັນນີ້ເຮົາມີວິທີດູແລລູກນ້ອຍໃນເວລາຖອກທ້ອງ ມາຝາກ ເຊິ່ງຈະເຮັດແນວໃດນັ້ນເຮົາມາອ່ານກັນເລີຍ

ຫາກລູກນ້ອຍມີອາການຖອກທ້ອງ ແຕ່ຍັງສາມາດຫຼິ້ນໄດ້ຕາມປົກກະຕິ ບໍ່ມີອາການແປກໄປຈາກເດີມ ຜູ້ເປັນພໍ່ແມ່ສາມາດໃຫ້ການດູແລຂັ້ນເບື້ອງຕົ້ນໄດ້ດັ່ງນີ້

1.ປະສົມນ້ຳເກືອແຮ່ແກ້ຖອກທ້ອງໃນນ້ຳດື່ມທີ່ສະອາດ ໃຫ້ດື່ມຕາມປະລິມານທີ່ກຳນົດໃນຊອງ ກໍ່ຈະຊ່ວຍໃນການສູນເສຍນ້ຳ, ເກືອໂຊດຽມ ແລະ ໂພແທສຊຽມຈາກການຖອກທ້ອງໄດ້

2.ໃຫ້ລູກງົດນ້ຳໝາກໄມ້ ຫຼື ເຄື່ອງດື່ມທີ່ມີນ້ຳຕານ ເພາະອາດເຮັດໃຫ້ລູກຖອກທ້ອງຫຼາຍຂຶ້ນ

3.ລົດດື່ມນົມສົດ ຫຼື ອາດໃຫ້ດື່ມນົມທີ່ບໍ່ສົ່ງຜົນເສຍຕໍ່ການຖອກທ້ອງເຊັ່ນ: ນົມຖົ່ວເຫຼືອງ ຫຼື ນົມທີ່ບໍ່ມີ     ສານແລັກໂຕສ

4.ໃຫ້ລູກກິນອາຫານອ່ອນໆ ຍ່ອຍງ່າຍ ເຊັ່ນ: ໂຈ໊ກ, ເຂົ້າປຽກເຂົ້າ ເປັນຕົ້ນ ແລະ ຄວນໃຫ້ກິນໃນປະລິມານໜ້ອຍໆ ແຕ່ກິນເລື່ອຍໆ ເພື່ອໃຫ້ລຳໄສ້ຄ່ອຍໆຍ່ອຍ ແລະ ດູດຊຶມອາຫານ

5. ງົດອາຫານຍ່ອຍຍາກ ແລະ ອາຫານທີ່ມີໄຂັມນສູງ

6.ຫຼີກລ່ຽງການຊື້ຢາຢຸດຖ່າຍໃຫ້ລູກກິນ ເພາະເຖິງຈະຊ່ວຍບັນເທົາອາການລົງໄດ້ ແຕ່ບໍ່ສາມາດບໍ່ສາມາດຊ່ວຍຮັກສາອາການໃຫ້ຫາຍຂາດ ພ້ອມກັນນັ້ນການຕິດເຊື້ອກໍ່ຍັງມີຢູ່ ເພາະບໍ່ໄດ້ຖືກຂັບອອກໄປໝົດ ເຊິ່ງອາດເປັນອັນຕະລາຍກັບລູກຫຼາຍຂຶ້ນ

7.ຫາກລູກມີອາການຖອກທ້ອງແຮງ ຫຼື ມີອາການອື່ນໆຮ່ວມນຳເຊັ່ນ: ຮາກຫຼາຍ, ມີໄຂ້ສູງ, ອ່ອນເພຍ, ຊຶມ ເປັນຕົ້ນ ຄວນພາລູກໄປພົບແພດດ່ວນ

ທີ່ມາ: http://sukkapab.com/