ສຳນັກຂ່າວຕ່າງປະເທດລາຍງານເມື່ອວັນທີ 5 ມິຖຸນາ ວ່າ ກຸ່ມນັກບູຮານຄະດີໃນຈີນ ໄດ້ຄົ້ນພົບວັດຖຸ ທີ່ເຊື່ອວ່າເປັນໂສ້ງເກົ່າແກ່ທີ່ສຸດໃນໂລກ ໂດຍມາອາຍຸກວ່າ 3 ພັນປີ.
ໃນລາຍງານລະບຸວ່າ ໂສ້ງດັ່ງກ່າວເຊິ່ງມີຈຳນວນຫຼາຍຜືນ ເຊື່ອວ່າເປັນໂສ້ງທີ່ເຮັດຈາກຂົນແກະ ຖືກພົບໃນສຸສານຝັງສົບບູຮານໃນເມືອງຢາງໄຮ່ ຄາດວ່າຈະມີອາຍຸກວ່າ 3 ພັນປີ ລວມທັງເຄື່ອງແຕ່ງກາຍຕ່າງໆ ໂດຍປະເມີນວ່າ ເຈົ້າຂອງໂສ້ງຜືນນີ້ມີອາຍຸປະມານ 40 ປີ ແລະສັງເກດຈາກການອອກແບບເຊື່ອວ່າ ໜ້າຈະເປັນໂສ້ງຂີ່ມ້າ ຈາກລັກສະນະຂອງໂສ້ງທີ່ຮັດຮູບຊື່ ແລະມີເປົ້າກວ້າງ ແລະໜ້າຈະເປັນໂສ້ງຂີ່ມ້າລຸ້ນທຳອິດ ທີ່ຖືກສືບທອດກັນມາຈົນເຖິງໂສ້ງຂີ່ມ້າລຸ້ນປັດຈຸບັນ ນອກຈາກນີ້ ຍັງມີການພົບວັດຖຸອື່ນໆ ໃນສຸສານດັ່ງກ່າວ ລວມທັງແສ້ຕີມ້າ ຄັນທະນູ ແລະຂວານເສິກ.
ດ້ານນັກປະຫວັດສາດຈຳນວນຫຼາຍທ່ານ ເຊື່ອວ່າ ໂສ້ງດັ່ງກ່າວຖືກເຮັດຂຶ້ນເພື່ອຂີ່ມ້າໂດຍສະເພາະ ເນື່ອງຈາກການຂີ່ມ້າດົນໆ ຈະເຮັດໃຫ້ຮູ້ສຶກອຶດອັດ ນອກຈາກນີ້ ໂສ້ງເຫຼົ່ານີ້ຍັງຖືກເຮັດຂຶ້ນໂດຍມີຂະໜາດສະເພາະຕາມຮູບຮ່າງຂອງຜູ້ນຸ່ງນຳອີກ.