ນາຍົກລັດຖະມົນຕີຫລີ່ ເຄີສຽງຂອງຈີນກ່າວມື້ນີ້ວ່າ ການທີ່ອັງກິດຈັດການລົງປະຊາມະຕິອອກຈາກການເປັນສະມາຊິກສະຫະພາບເອີຣົບ (ອີຢູ) ສົ່ງຜົນໃຫ້ຕະຫຼາດໂລກປັ່ນປ່ວນ ຖືວ່າຈຳເປັນຕ້ອງຮ່ວມມືກັນຮຽກຄວາມເຊື່ອໝັ້ນກັບຄືນມາ ປ້ອງກັນການເຜີຍແຜ່ຂ່າວລື່ທີ່ສ້າງຄວາມຕື່ນຕົກໃຈ ແລະ ຮັກສາສະຖຽນລະພາບໃນການເງິນ.
ທ່ານ ຫລີ່ ກ່າວໃນທີ່ປະຊຸມເວິລອີໂຄໂນມິກຟໍຣັມທີ່ເມືອງທຽນຈິນວ່າ ເປັນເລື່ອງທີ່ຈະຫຼີກລ່ຽງຄວາມບໍ່ປົກກະຕິໃນໄລຍະສັ້ນທີ່ຕະຫຼາດເງິນຈີນໄປໄດ້ ແຕ່ຈີນຈະບໍ່ປ່ອຍໃຫ້ຕົກລົງຢ່າງໜັກ ແລະ ເກີດການປ່ຽນແປງຢ່າງກະທັນຫັນໃນຕະຫຼາດເງິນ ນາຍົກລັດຖະມົນຕີຫລີ່ກ່າວວ່າ ຈີນຈະປ້ອງກັນຄວາມສ່ຽງຕໍ່ການເງິນໃນລະບົບ ແລະ ພູມິພາກ ໂດຍຫຼັງວ່າຈະໄດ້ຮ່ວມມືກັນເພື່ອສ້າງຄວາມໝັ້ນຄົງໃນອີຢູ ແລະສະຫະຣາຊະອານາຈັກຕໍ່ໄປ.