ນີ້ແມ່ນຮູບຄ້ອງບັ້ງ ທີ່ເຮັດດ້ວຍທອງສໍາລິດ ມີອາຍຸປະມານ 3000 ປີ ຜ່ານມາແລ້ວ ບັນພະບຸຣຸດລາວ ປະດິດສ້າງຄ້ອງບັ້ງນີ້ມາ
ເພື່ອຕີຂໍຝົນ ໂດຍຈັດເປັນຂະບວນແຫ່ ມີຄົນຈໍານວນຫລາຍເຂົ້າຮ່ວມ ພາກັນກະໂດດໂລດເຕັ້ນໃຫ້ຄືກັບກົບໃນເວລາຝົນຕົກ ເມື່ອ
ຄົນຕີຄ້ອງບັ້ງມີສຽງດັງຂຶ້ນໄປເຖິງເມືອງແຖນ ພະຍາແຖນໄດ້ຫລິງສອ່ງລົງມາ ໄດ້ເຫັນຄົນຈໍານວນຫລາຍກະໂດດໂລດເຕັ້ນ ກໍຄຶດວ່າ
ແມ່ນກົບຮ້ອງເພື່ອຂໍຝົນ ຈາກນັ້ນ ພະຍາແຖນກໍແຕ່ງຝົນໃຫ້ຕົກລົງມາ ຕາມທີ່ໝູ່ຄົນຮ້ອງຂໍ (ອັນນີ້ແມ່ນຄວາມເຊື່ອຂອງຄົນລາວບູຮານ)
ອັນນີ້ ແມ່ນຮູບແຕ້ມທີ່ໜ້າຜາລາຍ ຢູ່ພູຫົວ ແຂວງກວາງຊີສປ ຈີນ, ເປັນຮູບຄົນຈໍານວນຫລາຍພວມປະກອບພິທີແຫ່ຄ້ອງບັ້ງ
ເພື່ອຂໍຝົນ ຕາມຄວາມເຊື່ອຂອງເຂົາເຈົ້າ ໃນປາງອະດີດ.
ນີ້ແມ່ນຮູບແຕ້ມ ທີ່ຖ້ໍາຕາດວງ ອໍາເພີເມືອງ ຈັງຫວັດການຈະນະບຸຣີ ເປັນຮູບຄົນແຫ່ຄ້ອງບັ້ງເພື່ອຂໍຝົນຈາກພະຍາແຖນ ຮູບແຕ້ມນີ້ມີອາຍຸປະມານ 3000 ປີ ຜ່ານມາແລ້ວ ສະແດງໃຫ້ເຫັນວ່າຄົນລາວບູຮານ ໄດ້ອາໄສຢູ່ໃນດິນແດນແຫ່ງນີ້ມາ
ເປັນເວລາຍາວນານ ຫລາຍພັນປີແລ້ວ ເພາະວ່າຄ້ອງບັ້ງແມ່ນຄົນລາວເປັນຜູ້ຄົ້ນຄິດປະດິດສ້າງຂຶ້ນມາ ຕາມຄວາມເຊື່ອຂອງຕົນ
ກ່ຽວກັບພະຍາແຖນ ເມືອງຟ້າເມືອງແຖນ ເມືອງຄົນ.
ຂໍ້ມູນຈາກ: www.bailane.com