ເຈົ້າໜ້າທີ່ ປກສ ເມືອງປາກລາຍ ແຂວງໄຊຍະບູລີ ໃຫ້ຮູ້ວ່າ: ເມື່ອທ້າຍເດືອນ ພຶດສະພາຜ່ານ ມາ, ໄດ້ກັກຕົວນາງ ສຳລີ ສີວິໄລ ອາຍຸ 42 ປີ ຢູ່ບ້ານຕາກແດດ ເມືອງປາກລາຍ ແຂວງໄຊຍະບູລີ ພ້ອມຂອງ ກາງຢາບ້າ 1.398 ເມັດທີ່ຜູ້ກ່ຽວຊຸກ ເຊື່ອງໄວ້ຢູ່ໃນ ເຮືອນຂອງ​ຕົນ, ຜ່ານການສອບສວນຂອງເຈົ້າໜ້າທີ່ຜູ້ກ່ຽວຮັບສາ ລະພາບວ່າ: ຢາບ້າທັງໝົດ ແມ່ນຂອງຜູ້ກ່ຽວແທ້ເຊິ່ງໄດ້ຊື້ມາຈາກຂະບວນການ ຄ້າຢາເສບຕິດພາຍໃນເມືອງເພື່ອເອົາມາຈຳໜ່າຍໃຫ້ໄວລຸ້ນໃນເຂດບ້ານຂອງຕົນ, ແຕ່ຖືກ ເຈົ້າໜ້າທີ່ກັກຕົວເສຍກ່ອນ.

ຂ່າວໃຫ້ຮູ້ຕື່ມວ່າ: ເມື່ອບໍ່ ດົນນີ້, ສານປະຊາຊົນນະຄອນ ຫລວງວຽງຈັນ ໄດ້ຕັດສິນລົງ ໂທດທ້າວ ສົມພະໄທ ຫລື ໂຕ ອາຍຸ 22 ປີ ກຳມະກອນຢູ່ບ້ານ ຈອມເພັດ ເມືອງສີສັດຕະນາກ ນະຄອນຫລວງວຽງຈັນ ໃຫ້ຈຳ ຄຸກເປັນເວລາ 5 ປີກັບ 6 ເດືອນ ພ້ອມທັງປັບໄໝ ເງິນຈຳນວນ 10 ລ້ານກີບ ໂດຍຜູ້ກ່ຽວຖືກເຈົ້າ ໜ້າທີ່ກັກຕົວໄດ້ເມື່ອທ້າຍເດືອນສິງຫາ 2014 ຜ່ານມາ ໃນຂໍ້ຫາ ເສບ ແລະ ຄ້າຂາຍຢາເສບຕິດ ພ້ອມຂອງກາງຢາບ້າ 30 ກວ່າ ເມັດ.

ທ່ານ ພັນຕີ ດວງຈັນ ວົງວິໄຊ ຮອງກົມຕຳຫລວດສືບສວນ- ສອບສວນ ໃຫ້ຮູ້ວ່າ: ໃນເດືອນ ພຶດສະພາຜ່ານມານີ້, ທົ່ວປະ ເທດມີຄະດີເກີດຂຶ້ນທັງໝົດ 214 ເລື່ອງ, ກັກຕົວຜູ້ຕ້ອງຫາໄດ້ 132 ຄົນ, ມ້າງຄະດີ 109 ແລະ ແກ້ໄຂ ຄະດີສຳເລັດ 53 ເລື່ອງ, ສົ່ງໄອຍະການ 23 ເລື່ອງ ແລະ ແກ້ໄຂ ຂັ້ນເຈົ້າໜ້າທີ່ 26 ເລື່ອງ ໄດ້ສ້າງ ຄວາມເສຍຫາຍເປັນເງິນ 500 ລ້ານກວ່າ ກີບ, 3 ພັນກວ່າໂດລາ ສະຫະລັດ, ເງິນບາດ 3 ແສນ ກວ່າບາດ, ເງິນຢວນ 12 ພັນ ກວ່າຢວນ, ຄຳຮູບປະພັນ 29 ບາດ, ທອງນາກ 8 ບາດ, ໂທລະສັບ 19 ໜ່ວຍ, ໂນດບຸກ 11 ໜ່ວຍ ແລະ ປືນ 1 ກະບອກ ​ເຊິ່ງບັນດາ​ຄະດີ​ດັ່ງກ່າວນັ້ນສ່ວນໃຫຍ່ ແມ່ນລັກຊັບພົນລະເມືອງ, ທຳຮ້າຍຮ່າງກາຍ, ຢາເສບຕິດ ແລະ ອື່ນໆ.