ບາງຄົນອາດຮູ້ສຶກເມື່ອຍ ຫຼື ທໍ້ແທ້ກັບເລື່ອງບາງເລື່ອງບໍ່ວ່າຈະເປັນເລື່ອງວຽກ, ເລື່ອງຄວາມຮັກ, ຄອບຄົວ ຫຼື ເລື່ອງສ່ວນຕົວ ແຕ່ມັນກໍ່ມີຫຼາຍວິທີທີ່ຈະຊ່ວຍໃຫ້ທ່ານຄາຍຄຽດໄດ້ ແລ້ວກໍ່ມີວິທີທີ່ຈະສ້າງກຳລັງໃຈໃຫ້ຕົວເອງໄດ້ກ້າວເດີນຕໍ່ໄປໄດ້ ດັ່ງຄຳແນະນຳດີໆທີ່ Woman+ ວັນນີ້ພວກເຮົາເລີຍບໍ່ພາດທີ່ຈະນຳມາບອກກັນ
- ຄິດເຖິງຕົວເອງຢູ່ສະເໝີ: ຂໍ້ນີ້ບໍ່ໄດ້ໝາຍຄວາມວ່າຈະໃຫທ່ານເຫັນແກ່ຕົວ ແຕ່ຢາກບອກວ່າບໍ່ວ່າທ່ານຈະຜິດຫວັງມາກັບສິ່ງໃດກໍ່ຕາມ ທ່ານຕ້ອງອົດທົນ, ຕ້ອງສູ້ເພື່ອຊີວິດທີ່ດີຂອງຕົວເອງ ຢ່າປ່ອຍໃຫ້ຕົວເອງໂສກເສົ້າ, ໄຮ້ຄ່າພຽງຄົນດຽວບໍ່ເຫັນຄ່າຂອງເຮົາ ເພາະຖ້າເຮົາບໍ່ດູແລຕົວເອງໃຫ້ດີແລ້ວໃຜຈະມາດູແລເຮົາ
- ເຮົາຍັງມີເລື່ອງດີໆໃຫ້ຄິດອີກຫຼາຍເລື່ອງ: ເລື່ອງໃດທີ່ເຮົາຄິດແລ້ວເຮັດໃຫ້ເຮົາກຸ້ມໃຈ, ຄິດແລ້ວເປັນທຸກທ່ານກໍ່ພະຍາຍາມຢ່າຄິດ ເພາະໃນຊີວິດເຮົາມັນບໍ່ແມ່ນມີເລື່ອງດຽວທີ່ຕ້ອງຄິດ ແຕ່ມັນຍັງມີຫຼາຍດີໆ ຄວາມຊົງຈຳດີໆທີ່ຕ້ອງຄິດອີກຫຼາຍເລື່ອງ
- ຄົນດີຍັງມີຢູ່ຂ້າງກາຍເຮົາ: ຢ່າຄິດວ່າໂລກນີ້ເຮົາຢືນຢູ່ລຳພັງ, ຢ່າຄິດວ່າຊີວິດນີ້ເຮົາຈະພົບແຕ່ຄົນບໍ່ດີ ເພາະທີ່ຈິງແລ້ວ ຖ້າເຮົາເປີດຕາເປີດໃຈໃຫ້ກ້ວາງກວ່ານີ້ ເຮົາຍັງມີອີກຫຼາຍຄົນທີ່ດີ ແລະ ຢືນຄຽງຂ້າງເຮົາເຊັ່ນ: ພໍ່, ແມ່, ຄົນໃນຄອບຄົວ, ເພື່ອນຮ່ວມງານ ແລະ ໝູ່ບາງຄົນທີ່ດີກັບເຮົາກໍ່ມີ
4. ລອງທົບທວນເລື່ອງດີໆທີ່ຜ່ານມາ: ຫາກປັດຈຸບັນນີ້ເຮົາກຳລັງທໍ້ແທ້ເຮົາລອງຄິດທົບທວນໄປໃນອະດີດ ບາງຄັ້ງເຮົາອາດຈະຮູ້ວ່າໃນຊີວິດເຮົາມັນກໍ່ບໍ່ໄດ້ພົບເລື່ອງຮ້າຍແຮງສະເໝີໄປ ບາງຊ່ວງຊີວິດກໍ່ພົບເລື່ອງດີ ບາງຊ່ວງຊີວິດກໍ່ພົບເລື່ອງບໍ່ດີ ນີ້ແຫຼະຊີວິດຄົນ ແຕ່ເຮົາກໍ່ຜ່ານມັນມາໄດ້ທຸກຄັ້ງ ແລະ ຄັ້ງນີ້ກໍ່ຕ້ອງຜ່ານມັນໄປໄດ້ອີກ
5. ເຝິກສະມາທິ ແລະ ສຶກສາພຣະທັມ: ການເຮັດໃຫ້ຈິດໃຈເຮົາສະຫງົບນອກຈາກຈະເຮັດໃຫ້ເຮົາຮູ້ສຶກຜ່ອນຄາຍລົງໄປໄດ້ແລ້ວ ມັນຍັງຊ່ວຍໃຫ້ເຮົາເກີດສະຕິອີກດ້ວຍ ເມື່ອມີສະຕິປັນຍາກໍ່ເກີດ ແລ້ວເຮົາກໍ່ຈະເຫັນສາເຫດຂອງບັນຫາຄວາມທຸກເມື່ອເຫັນແລ້ວກໍ່ແກ້ໄຂທີ່ຕົ້ນເຫດນັ້ນ ເພື່ອເຮັດໃຫ້ເຮົາຫຼຸດພົ້ນອອກຈາກຄວາມທຸກນັ້ນ