​ເຈົ້າໜ້າ​ທີ່ ປກສ ​ແຂວງ​ຄຳ​ມ່ວນ ລາຍ​ງານ​ໃຫ້​ຮູ້​ວ່າ: ​ເມື່ອ​ບໍ່​ດົນ​ມານີ້, ​ໄດ້​ຢຶດລົດ​ບັນທຸກ 10 ລໍ້ ໝາຍ​ເລກ​ທະບຽນ ບກ 1293 ຄຳ​ມ່ວນ ຂັບ​ໂດຍ​ທ້າວ ​ເອກ​ມະນີ​ວັນ ຢູ່​ບ້ານ​ເວີນ ​ເມືອງ​ໄຊ​ບູລີ ແຂວງ​ສະຫວັນ​ນະ​ເຂດທີ່​ໄດ້​ບັນທຸກ​ໄມ້​ດູ່​ຈຳນວນ 206 ຕັບ, ບໍລິ​ມາດວ່າ 9 ​ແມັດ​ກ້ອນ ​ແລະ ມີ​ມູນ​ຄ່າ​ຫລາຍ​ກວ່າ 200 ລ້ານ​ກີບ. ຜ່ານ​ການ​ສືບສວນ-ສອບ​ສວນ​ຂອງ​ເຈົ້າໜ້າ​ທີ່ ຜູ້​ຂັບ​ລົດ​ຄັນ​ດັ່ງກ່າວຮັບ​ສາລະພາບ​ວ່າ: ມີ​ນັກທຸລະກິດ​ຢູ່​ແຂວງ​ສະຫວັນ​ນະ​ເຂດ​​ຈ້າງ​ໃຫ້​ຕົນ​ນຳ​ໄມ້​ທັງ​ໝົດ​ໄປ​ສົ່ງ​ໃຫ້​ໂຮງ ງານ​ເຟີ​ນີ​ເຈີ​ແຫ່ງ​ໜຶ່ງ​ຢູ່​ເມືອງ​ທ່າ​ແຂກ ແຂວງ​ຄຳ​ມ່ວນ ​ໂດຍ​ໄດ້​ຮັບ​ຄ່າ​ຈ້າງ 2 ລ້ານ​ກີບ​ຕໍ່​ຖ້ຽວ. ປັດຈຸບັນ​ໄມ້​ທັງ​ໝົດ​ຍັງ​ຢູ່​ໃນ​ການ​ຄຸ້ມ​ຄອງ​ຂອງ​ເຈົ້າໜ້າ​ທີ່ ​ເພື່ອ​ເປັນ​ຫລັກ​ຖານ​ໃນ​ການ​ດຳ​ເນີນ​ຄະດີ​ກັບ​ເຈົ້າຂອງ​ໄມ້​ຕາມ​ລະບຽບ​ກົດໝາຍ.

ຂອບໃຈຂ່າວຈາກລາວພັດທະນາ