ສຳລັບງານວິໄຈໃນຄັ້ງນີ້ໄດ້ສຳຫຼວດກຸ່ມຕົວຢ່າງເພດຊາຍ 5,838 ຄົນ ເຊິ່ງມີຈຳນວນຄົນທີ່ເຮັດໝັນແລ້ວທັງໝົດ 353 ຄົນ ເພື່ອຫາຄວາມຖີ່ຂອງການມີເພດສຳພັນຂອງຄົນທັງສອງກຸ່ມ ຜົນປະກົດວ່າ ກຸ່ມຂອງຜູ້ຊາຍທີ່ເຮັດໝັນແລ້ວຈະມີເຊັກສ໌ສະເລ່ຍ 6 ຄັ້ງ/ອາທິດ ສ່ວນອີກກຸ່ມຄົນທີ່ບໍ່ໄດ້ເຮັດໝັນພົບວ່າມີເຊັກສ໌ປະມານ 5 ຄັ້ງ/ອາທິດໂດຍທາງ ດຣ. ເດວິດເກົາ ໜຶ່ງໃນທີມງານວິໄຈບອກວ່າ ເຫດຜົນທີ່ເຮັດໃຫ້ກຸ່ມຜູ້ຊາຍທີ່ຜ່ານການເຮັດໝັນແລ້ວມີເຊັກສ໌ຫຼາຍຂຶ້ນ ອາດເປັນເພາະພວກເຂົາບໍ່ຕ້ອງກັງວົນກ່ຽວກັບບັນຫາການຖືພາຂອງຝ່າຍຍິງອີກຕໍ່ໄປ
ດຣ. ເດວິດ ບອກວ່າ ການເຮັດໝັນຜູ້ຊາຍຈະງ່າຍກວ່າການເຮັດໝັນໃຫ້ແມ່ຍິງ ເພາະໃຊ້ເວລາພຽງປະມານ 20 ນາທີເທົ່ານັ້ນ ໂດຍການຕັດທໍ່ອະສຸຈິເພື່ອປ້ອງກັນບໍ່ໃຫ້ຕົວອະສຸຈິຈາກອັນທະລຳລຽງໄປທີ່ທໍ່ນັ້ນເອງ ໂດຍຈະມີແຜນ້ອຍໆທີ່ບໍລິເວນຖົງອັນທະ ອາດຈະຮູ້ສຶກເຈັບປະມານ 2-3 ວັນ ລວມເຖິງພັກຟື້ນປະມານ 2 ອາທິດ ກໍ່ສາມາດກັບມາມີເພດສຳພັນໄດ້ອີກຄັ້ງ
ທີ່ມາ: kapook.com