ອີງຕາມຂໍ້ມູນພະແນກແຜນການ ແລະການລົງທຶນຂອງແຂວງ ຊຽງຂວາງໃຫ້ຮູ້ວ່າ: ໃນໄລຍະ 6 ເດືອນຕົ້ນສົກປີ 2015-2016 ແຂວງຊຽງຂວາງສາມາດລະດົມ
ການລົງທຶນໄດ້ທັງໝົດ 5.432 ຕື້ກີບ, ລື່ນແຜນການປີ 2,7 ເທົ່າ ຕົວ, ໃນນັ້ນການລົງທຶນຂອງລັດ 76 ຕື້ກວ່າກີບ ກວມ 1,40%, ການລົງທຶນຂອງລັດວິສາຫະກິດ 102 ຕື້ກວ່າກີບ, ກວມ 1,89%, ການລົງທຶນຂອງພາກເອກະຊົນ ພາຍໃນ ແລະຕ່າງປະເທດ 4.342 ຕື້ກີບ, ກວມ 79,93%, ການ ຊ່ວຍເຫຼືອລ້າແລະກູ້ຢືມ 49 ຕື້ກວ່າກີບ, ກວມ 0,91% ແລະສິນເຊື່ອທະນາຄານ 861 ຕື້ກີບ, ກວມ15,87% ຂອງການລົງທຶນທັງ ໝົດ.
ໂດຍສະເພາະການລົງທຶນຂອງລັດ ແຂວງໄດ້ຮັບອະນຸມັດຈັດຕັ້ງ ປະຕິບັດໂຄງການລົງທຶນຂອງລັດທັງໝົດ 245 ໂຄງການ, ມູນຄ່າ 128 ຕື້ກວ່າກີບ, ໃນໄລຍະ 6 ເດືອນຕົ້ນປີສາມາດຈັດຕັ້ງປະຕິບັດ ໄດ້ທັງໝົດ 168 ໂຄງການມູນຄ່າ 76 ຕື້ກວ່າກີບ ເທົ່າກັບ 59,31% ຂອງແຜນປີ, ໃນນັ້ນ ຂົງເຂດເສດ ຖະກິດມີ 71 ໂຄງການ, ມູນຄ່າ 11 ຕື້ກວ່າກີບ, ຂົງເຂດວັດທະນະ ທຳສັງຄົມມີ 22 ໂຄງການ, ມູນຄ່າ 3 ຕື້ກວ່າກີບ, ຂົງເຂດສຳນັກ ງານ-ຫ້ອງການແລະອື່ນໆມີ 42 ໂຄງການ, ມູນຄ່າ 9 ຕື້ກວ່າກີບ, ພັດທະນາຊົນນະບົດ ແລະລຶບລ້າງຄວາມທຸກຍາກມີ 11 ໂຄງ ການ, ມູນຄ່າ 2 ຕື້ກວ່າກີບ, ຈັດສັນພູມລຳເນົາ ແລະບ່ອນທຳມາຫາກິນມີ 5 ໂຄງການ, ມູນຄ່າ 1 ຕື້ກວ່າກີບ ແລະທຶນໂຄງການເປົ້າ ໝາຍສະເພາະມີ 12 ໂຄງການ ມູນຄ່າ 46 ຕື້ກວ່າກີບ.
ນອກນີ້ ການລົງທຶນຂອງລັດວິສາຫະກິດທົ່ວແຂວງມີບັນດາລັດວິສາຫະກິດທັງໝົດຈຳນວນ 10 ຫົວໜ່ວຍຄື: ລັດວິສາຫະກິດນ້ຳ ປະປາ, ນ້ຳມັນເຊື້ອໄຟລາວ, ໂທລະຄົມລາວ, ລາວສະຕາໂທລະ ຄົມ, ລາວໂທລະຄົມ, ໄປສະນີ, ການຄ້າພັດທະນາ, ໄຟຟ້າລາວ, ກໍ່ສ້າງຂົວທາງ ແລະການບິນລາວ ໄດ້ເຄື່ອນໄຫວຕາມພາລະບົດບາດຂອງຕົນ ແລະສາມາດສ້າງ ລາຍຮັບໄດ້ທັງໝົດ 118 ຕື້ກີບ, ເທົ່າກັບ 30,64% ຂອງແຜນການປີ, ສາມາດປະຕິບັດລາຍ ຈ່າຍໄດ້ 102 ຕື້ກວ່າກີບ,ເທົ່າ ກັບ 35,27% ຂອງແຜນການປີແລະມອບພັນທະເຂົ້າງົບປະມານ ໄດ້ 14 ຕື້ກວ່າກີບ, ເທົ່າກັບ 65,26% ຂອງແຜນການປີ.
ສຳລັບ ການຊ່ວຍເຫຼືອລ້າ ແລະ ກູ້ຢືມແຂວງໄດ້ຍາດແຍ່ງແຫຼ່ງທຶນ ຊ່ວຍເຫຼືອລ້າ ແລະກູ້ຢືມຈາກບັນ ດາອົງການຈັດຕັ້ງສາກົນ ແລະປະເທດຕ່າງໆ ເພື່ອເປັນແຫຼ່ງທຶນປະ ກອບສ່ວນເຂົ້າໃນການພັດທະນາ ເສດຖະກິດ-ສັງຄົມໄດ້ທັງໝົດມີ 28 ໂຄງການມູນຄ່າ 6 ລ້ານກວ່າ ໂດລາ ຫຼື ເທົ່າກັບ 49,70 ຕື້ກີບ, ລື່ນແຜນການທີ່ວາງໄວ້ 44,14% ໃນນັ້ນ ທຶນຊ່ວຍເຫຼືອລ້າ ODA ມີ18 ໂຄງການ, ມູນຄ່າ 3 ລ້ານກວ່າ ໂດລາ ຫຼື ເທົ່າກັບ 24,41 ຕື້ກີບ ແລະທຶນຊ່ວຍເຫຼືອລ້າ NGO ມີ 10ໂຄງການ ມູນຄ່າ 3,1 ຕື້ກວ່າ ໂດລາ ຫຼື ເທົ່າກັບ 25,29 ຕື້ກີບ.
ນອກນັ້ນ ການລົງທຶນຂອງພາກເອກະຊົນພາຍໃນແລະຕ່າງ ປະເທດ ສາມາດດຶງດູດການລົງທຶນ ໄດ້ທັງໝົດ 12 ໂຄງການ ມູນຄ່າ 4.342 ຕື້ກີບ, ລື່ນແຜນການທີ່ ວາງໄວ້ 13,57 ເທົ່າຕົວ, ທຶນຈົດ ທະບຽນ 1.057 ຕື້ກີບ, ໃນນັ້ນ ການລົງທຶນຕ່າງປະເທດມີ 6 ໂຄງການມູນຄ່າ 1.610 ຕື້ກີບ, ທຶນຈົດທະບຽນ 297 ຕື້ກວ່າກີບແລະການລົງທຶນຂອງເອກະຊົນພາຍ ໃນມີ 6 ໂຄງການ,ມູນຄ່າ 2,732 ຕື້ກີບ, ທຶນຈົດທະບຽນ 760 ຕື້ ກີບ ເຊັນບົດບັນທຶກຄວາມເຂົ້າ ໃຈ (MOU) ເພື່ອສຶກສາສຳຫຼວດ ຄວາມເປັນໄປໄດ້ໃນການລົງທຶນສຳປະທານກໍ່ສ້າງເຂື່ອນໄຟຟ້າຂະ ໜາດນ້ອຍຈຳນວນ 5 ໂຄງການ ຄື: ໂຄງການກໍ່ສ້າງເຂື່ອນໄຟຟ້າ ນ້ຳຂົມ, ນ້ຳສາມ (ເມືອງຄຳ)ແລະ ນ້ຳງື່ມແກ້ງຄັວນ (ເມືອງແປກ) ແລະໂຄງການກໍ່ສ້າງເຂື່ອນໄຟຟ້າ ນ້ຳລ້ຽງ, ນ້ຳເຈົ້າ, ນ້ຳຈຽດ (ເມືອງໝອກ)ແລະນ້ຳຫົກ (ເມືອງຄູນ), ສຶກສາ, ສຳຫຼວດຄວາມເປັນໄປໄດ້ ຂອງໂຄງການນ້ຳງື່ມເມືອງພູກູດ, ສຶກສາ, ສຳຫຼວດຄວາມເປັນໄປ ໄດ້ຂອງໂຄງການນ້ຳຢ້ຽມ, ນ້ຳໝາງ (ເມືອງໝອກ) ແລະນ້ຳຫົກ (ເມືອງຄູນ), ສຶກສາ, ສຳຫຼວດຄວາມເປັນໄປໄດ້ຂອງໂຄງການ ນ້ຳທອງແລະນ້ຳກ່ຳ (ເມືອງ ຜາໄຊ).
ທີ່ມາ: http://www.sedthakid.la/