ທ່ານ ນອງ-ຄລ໊ອດ ຢຸງເກີ ປະທານຄະນະກຳມະການເອີຣົບກ່າວມື້ນີ້ ໂດຍປະຕິເສດວ່າການສຶກສາຜົນການລົງປະຊາມະຕິອັງກິດຕ້ອງການອອກຈາກການເປັນສະມາຊິກສະຫະພາບເອີຣົບ (ອີຢູ) ຈະເປັນຈຸດເລີ່ມຕົ້ນຂອງການຫຼົ້ມສະຫຼາຍຂອງອີຢູ່ໍນັ້ນ ບໍ່ເປັນຄວາມຈິງ.
ທ່ານ ຢຸງເກີ ກ່າວປະຕິເສດເລື່ອງໃນລະຫວ່າງການຖະແຫຼງຂ່າວທີ່ສຳນັກງານໃນນະຄອນຫຼວງບຣຸກແຊລຂອງແບນຊິກ ຂະນະທີ່ນາງອັງເກລາ ແມເຄິລ ນາຍົກລັດຖະມົນຕີເຢຍລະມັນເຕືອນວ່າ ຢ່າງພ້າວສະຫຼຸບຕໍ່ຜົນການລົງປະຊາມະຕິຂອງອັງກິດວ່າຈະເຮັດໃຫ້ເກີດຄວາມແຕກແຍກໃນເອີຣົບ ຂະນະທີ່ປະທານາທິບໍດີຟຣອງຊົວ ໂອລລອງ ຜູ້ນຳຝຣັ່ງກ່າວທີ່ນະຄອນປາຣີວ່າ ການລົງປະຊາມະຕິດຂອງອັງກິດອອກຈາກອີຢູຖືເປັນບົດທົດສອບຄັ້ງສຳຄັນສຳລັບເອີຣົບຕໍ່ຜົນກະທົບທາງເສດຖະກິດ ແລະ ການເງິນທີ່ຈະຕາມມາ ຊຶ່ງເອີຣົບຈະຕ້ອງສະແດງເຖິງຄວາມເປັນໜຶ່ງດຽວກັນ ແລະ ຄວາມເຂັ້ນແຂງໃນການຮັບມືກັບຄວາມສ່ຽງທາງການເງິນ ແລະ ເສດຖະກິດບັນດາຜູ້ນຳເອີຣົບກ່າວເປັນສຽງດຽວກັນວ່າ ຂໍໃຫ້ອັງກິດເລັ່ງຂະບວນການເຈລະຈາເພື່ອນຳໄປສູ່ການອອກຈາກສະມາຊິກອີຢູໂດຍໄວ.