ກະຊວງອຸດສາຫະກໍາ ແລະການຄ້າ ໄດ້ປະກາດປັບລາຄານໍ້າມັນເຊື້ອໄຟຂຶ້ນເປັນຄັ້ງທີ 2 ໃນຮອບບໍ່ເຖິງເດືອນ ໃນນັ້ນແອັດຊັງທຳມະດາຢູ່ນະຄອນຫຼວງວຽງຈັນປັບຂຶ້ນ 30 ກີບຕໍ່ລິດ ຈາກລາຄາ 7,370 ກີບ ເປັນ 7,400 ກີບຕໍ່ລິດ, ກາຊວນປັບຂຶ້ນ170 ກີບຕໍ່ລິດ ຈາກລາຄາ 6,050 ກີບມາເປັນ 6,220 ກີບຕໍ່ລິດ
ກະຊວງອຸດສາຫະກໍາ ແລະ ການຄ້າໄດ້ອອກແຈ້ງການເລກທີ1124/ອຄ.ຄພນ ລົງວັນທີ 23 ມິຖຸນາ 2016 ເຖິງສະມາຄົມນ້ຳມັນເຊື້ອໄຟ ແລະ ອາຍແກ໊ສ, ບັນດາບໍລິສັດນ້ຳມັນເຊື້ອໄຟ, ເລື່ອງ ປັບຂຶ້ນລາຄາຍ່ອຍນ້ຳມັນແອັດຊັງ ແລະ ນ້ຳມັນກາຊວນ ໃນຂອບເຂດທົ່ວປະເທດ ເລີ່ມປະຕິບັດ ແຕ່ເວລາ 6:00 ໂມງຂອງວັນທີ 24 ມິຖຸນາ 2016.
ທີ່ມາ: Lao Economic Daily