ເມື່ອລູກບໍ່ສະບາຍຜູ້ເປັນພໍ່ແມ່ຈະຕ້ອງຄອຍເບິ່ງແຍງບໍ່ໃຫ້ຫ່າງແບບບໍ່ໄດ້ຫຼັບໄດ້ນອນ ຍິ່ງຖ້າລູກນ້ອຍເວົ້າບໍ່ໄດ້ກໍບໍ່ຮູ້ເຂົ້າໄປອີກວ່າເຂົາ ເຈັບປວດບ່ອນໃດມີແຕ່ຮ້ອງໄຫ້ ເຮົາຈຶ່ງຕ້ອງສຸ່ມຮັກສາແບບພື້ນ ຖານກັນໃໝ່ ດັ່ງນັ້ນມື້ນີ້ເຮົາເລີຍມີວິທີດີໆມາແນະນຳທ່ານຜູ້ເປັນພໍ່ແມ່ເພື່ອກຽມຮັບມືກັບອາການ ເປັນໄຂ້ຕົວຮ້ອນ ແຕ່ບາງຄົນອາດ ຈະໃຊ້ວິທີການເຊັດຕົວແຕ່ບໍ່ແນ່ ໃຈວ່າຈະຕ້ອງເອົານ້ຳອຸ່ນ ຫຼື ນ້ຳ ເຢັນເຊັດອາການຕົວຮ້ອນຈຶ່ງຈະ ບັນເທົາລົງ ຢ່າງເປັນປົກກະຕິ ດັ່ງ ນັ້ນວິທີການເຊັດຕົວໃຫ້ເດັກທີ່ຖືກຕ້ອງຈະຕ້ອງປະຕິບັດກັນດັ່ງນີ້:
ການເຊັດຕົວຫຼຸດໄຂ້ທີ່ຖືກຕ້ອງ: ໃຊ້ຜ້າຊຸບນ້ຳອຸ່ນ (ນ້ຳອຸ່ນເທົ່ານັ້ນ) ຫຼື ຖ້າຫາບໍ່ໄດ້ກໍໃຫ້ໃຊ້ນ້ຳອຸນຫະພູມປົກກະຕິເພາະນ້ຳອຸ່ນຈະຊ່ວຍລະບາຍຄວາມຮ້ອນຈາກຜິວໜັງ ແລະນ້ຳທີ່ຢູ່ໃນຜິວໜັງຈະເຮັດໃຫ້ການລະເຫີຍ ອາຍດຶງເອົາຄວາມຮ້ອນອອກໄປ ທັງລະບາຍຄວາມຮ້ອນອອກໄດ້ໄວຂຶ້ນ ແລະຕໍ່ເນື່ອງ, ເວລາເຊັດຕົວລູກໃຫ້ຖູແຮງໆເພາະຈະຊ່ວຍໃຫ້ນ້ຳໃນຜ້າໄຫຼອອກໄປສູ່ຜິວລູກໄດ້ດີຍິ່ງຂຶ້ນ ຜິວໜັງລູກແດງໆເຊິ່ງຈະຊ່ວຍໃຫ້ເຫື່ອອອກງ່າຍຖືເປັນການລະບາຍຄວາມຮ້ອນໃຫ້ຊ່ວຍຫຼຸດລົງອຸນຫະພູມຮ່າງກາຍກໍຫຼຸດລົງດ້ວຍ, ເວລາເຊັດຕົວໃຫ້ເຊັດ ຍ້ອນກັບໄປຕາມແນວຂົນ ຫຼື ຕາມແນວເສັ້ນເລືອດ ຈະຊ່ວຍໃຫ້ລູກຕົວເຢັນຂຶ້ນ, ໃຊ້ຜ້າຊຸບນ້ຳອຸ່ນອີກ 2-3 ຜືນ ເໜັບໄວ້ບ່ອນຈຸດຊີບພະຈອນບ່ອນຂໍ້ພັບເຊັ່ນ: ຂີ້ແຮ້, ຂາໜີບ, ຄໍປະໄວ້ຈົນກວ່າຈະອຸ່ນຂຶ້ນ ຈາກນັ້ນນຳຜ້າຊຸບນ້ຳອຸນແລ້ວບິດໝາດໆນຳມາໄວ້ບ່ອນໜ້າຜາກຕອນລູກນອນຫຼັບ, ການເຊັດຕົວຈະປະໄລຍະຫ່າງປະມານ 30 ນາທີ ແລ້ວຈຶ່ງເຊັດອີກຄັ້ງ ເຮັດແບບນີ້ຈົນໄຂ້ລູກຈະຫຼຸດລົງ ແລະສາເຫດທີ່ບໍ່ໃຫ້ໃຊ້ນ້ຳເຢັນກໍເພາະຕອນທີ່ລູກເປັນໄຂ້ຕົວຮ້ອນເມື່ອນຳເອົານ້ຳເຢັນມາເຊັດຕົວຈະເຮັດໃຫ້ລູກຮູ້ສຶກໜາວມີອາການສັ່ນ ແລະເກັງກ້າມຊີ້ນ ຊຶ່ງ ອາດຈະເຮັດໃຫ້ເພີ່ມໄຂ້ສູງຂຶ້ນໄປອີກຫາກເຮົາເຊັດຕົວແລ້ວກິນຢາຫຼຸດໄຂ້ແລ້ວລູກຍັງຕົວຮ້ອນໄຂ້ຂຶ້ນສູງຢູ່ ຄວນຈະພາລູກໄປພົບໝໍດ່ວນ.
ຂຽນໂດຍ: ຣັດສະໝີ (ໜັງສືພິມເສດຖະກິດ-ສັງຄົມ)