Chuwi ກຳລັງທີ່ຈະເປີດໂຕແທັບເລັດໂຕໃໝ່ລົງສູ່ຕະຫຼາດໃນໄວໆນີ້, ໂດຍຈຸດທີ່ໜ້າສົນໃຈຂອງແທັບເລັດເຄື່ອງນີ້ກໍຄືໃຊ້ງານລະບົບປະຕິບັດການແບບ 2-in-1. ແຕ່ວ່າໃນຕອນນີ້ນັ້ນຍັງບໍ່ມີປະກາດກຳນົດວັນທີທີ່ຈະເປີດໂຕອອກມາແຕ່ຢ່າງໃດ ແຕ່ຄາດວ່າຈະເປີດໂຕໃນຊ່ວງໄຕມາດທີ 3 ຂອງປີນີ້.
ເຖິງວ່າຈະຍັງບໍ່ມີປະກາດອອກມາຢ່າງເປັນທາງການ ແຕ່ເຮົາກໍມີຂໍ້ມູນສະເປັກຂອງໂຕເຄື່ອງຄື: ໜ້າຈໍຂະໜາດ 12 ນິ້ວ ພ້ອມດ້ວຍຄວາມລະອຽດ 2160 x 1440 ພິກເຊວ. ໃຊ້ງານຊິບປະມວນຜົນຊີຣີ Intel X5 , RAM 4GB ແລະ ພື້ນທີ່ຈັດເກັບ 64GB ສາມາດເພີ່ມ microSD ໄດ້ 128GB. ໃນດ້ານຂອງລະບົບປະຕິບັດການກໍຄືເປັນລະບົບແບບ 2-in-1 ເຊິ່ງເຮົາສາມາດເລືອກໃຊ້ລະບົບ Windows 10 ຫຼືຈະໃຊ້ລະບົບ Remix OS ທີ່ສ້າງມາຈາກ Android 6.0 Marshmallow ກໍໄດ້. ໂດຍລະບົບນີ້ຖືວ່າເປັນລະບົບທີ່ໜ້າສົນໃຈເລີຍເພາະເຮົາສາມາດໃຊ້ Windows 10 ແລະ Android OS ໄດ້ໃນເວລາດຽວກັນ.
ສຳລັບແທັບເລັດໂຕໃໝ່ຈາກ Chuwi ແມ່ນໃຫ້ແບັດເຕີຣີມາ 11000mAh ແລະຈະມີພຽງ 2 ສີໃຫ້ເລືອກຄື: Champagne Gold ແລະ Space Gray.
ທີ່ມາ:gizmochina