ເຈົ້າໜ້າທີ່ ປກສ ນະຄອນ ຫຼວງວຽງຈັນ ໃຫ້ຮູ້ວ່າ: ໃນເດືອນຜ່ານມາຢູ່ນະ ຄອນຫຼວງວຽງຈັນມີປະກົດການຫຍໍ້ທໍ້ເກີດ ຂຶ້ນ 200 ກວ່າເລື່ອງ, ພົ້ນເດັ່ນ ແມ່ນ ສະພາບລັກຊັບມີຄະດີເພີ່ມຂື້ນ 10 ກວ່າ ເລື່ອງຄື: ໃນວັນທີ 1 ພຶດ ໄດ້ເກີດເຫດຄົນ ບໍ່ດີ ເຂົ້າໄປລັກຊັບ ບໍລິສັດ ຮົວລີ ຢູ່ບ້ານ ແກ້ງໃຄ້ ເມືອງ ໄຊທານີ ນະຄອນ ຫຼວງ ວຽງຈັນ ພວກໂຈນໄດ້ ກວາດເອົາເງິນໄປ 200 ກວ່າ ລ້ານກີບ, ຄຳຮູບປະພັນລວມ ມູນຄ່າ 20 ກວ່າລ້ານກີບ ແລະ ໃນມື້ ດຽວກັນ ຄົນຮ້າຍໄດ້ເຂົ້າ ລັກຊັບຂອງນັກທ່ອງທ່ຽວ ພັກຢູ່ ໂຮງແຮມແຫ່ງໜຶ່ງ ໃນບ້ານ ໜອງດ້ວງໃຕ້ ເມືອງສີໂຄດ ຕະບອງ ນະຄອນຫຼວງວຽງຈັນ ແລະ ຕໍ່ມາວັນທີ 8 ພຶດສະພາ ນີ້ ຄົນຮ້າຍເຂົ້າໄປລັກຊັບຂອງປະ ຊາຊົນ ຢູ່ບ້ານພະຂາວ ເມືອງ ໄຊທາ
ນີ ນະຄອນຫຼວງວຽງຈັນ ໄດ້ເງີນໄປ ກວ່າ 200 ລ້ານ ກີບ ແລະ ສາຍຄໍຄຳໜັກ 10 ແລະ ຕູ້ ເຢັນໜຶ່ງໜ່ວຍ, ໃນວັນທີ 26 ພຶດ ສະພາ ກໍໄດ້ເກີດເຫດຄົນຮ້າຍ ລັກຊັບ ຢູ່ບໍລິສັດ ໂຕໂກປະກັນໄພ ຢູ່ບ້ານຊຽງຢືນ ເມືອງ ຈັນທະ ບູລີ ກວາດເງິນ 6 ລ້ານ ກວ່າກີບ, 10 ພັນບາດ ແລະ 5 ພັນໂດລາ ແລະ ມື້ ດຽວກັນ ຄົນຮ້າຍງັດຕູ້ ATM ຂອງທະນາຄານແຫ່ງໜຶ່ງ ຢູ່ເສັ້ນທາງສຸພາ ນຸວົງ ບ້ານນາ ຄຳ ເມືອງ ສີໂຄດຕະບອງ ນະຄອນ ຫຼວງວຽງຈັນ ແລະ ຫຼາຍຄະດີລັກຊັບອື່ນໆ.
ເຈົ້າໜ້າທີ່ ປກສ ນະຄອນ ຫຼວງວຽງຈັນ ໃຫ້ທັດສະນະວ່າ: ຈາກການກວດກາຈຸດເກີດເຫດ ໃນແຕ່ລະບ່ອນນັ້ນພົບ ວ່າ ສ່ວນ ໃຫຍ່ການເຄື່ອນໄຫວຂອງກຸ່ມ ຄົນບໍ່ດີແມ່ນຈະຮ່ວມກັນເປັນຂະບວນການ ແລະ ສວຍໂອກາດ ໃນໄລຍະຄ່ຳຄືນ, ຊຶ່ງບໍ່ ມີຄົນຍາມແລ້ວລົງມືກໍ່ເຫດ, ນອກນີ້ ຍັງແມ່ນບຸກຄົນເປົ້າໝາຍທີ່ທາງເຈົ້າໜ້າທີ່ຄາດວ່າຈະເປັນກຸ່ມ ແກ໊ງລັກຊັບດຽວ ກັນດັ່ງ ເຫດການທີ່ມັກເກີດຂຶ້ນໃນໄລຍະ ເດືອນເມສາຜ່ານມາ, ຊຶ່ງປັດຈຸບັນທາງເຈົ້າໜ້າທີ່ກຳເລັ່ງນຳຈັບຕົວຄົນຮ້າຍມາດຳ ເນີນຄະດີ.
ຂອບໃຈຂ່າວຈາກ: http://laophatthananews.blogspot.com