ຂ່າວບັນເທີງຕ່າງປະເທດ ກັບ ລາວໂພສຕ໌ ວັນນີ້ເຮົາຈະມາອັບເດດວົງການບັນເທີງທາງຮໍລີວູດ ກັນແນ່ ເລີ່ມດ້ວຍຂ່າວການເສຍຊີວິດຂອງ “ແອນຕັນ ເຢລຊິນ” ດາລາດັງຈາກເລື່ອງ “Star Trek” ເກີດອຸບັດຕິເຫດທາງລົດຍົນ
ວົງການບັນເທີງ ຮໍລີວູດ ຕ້ອງພົບຂ່າວຊັອກອີກຄັ້ງ ຫຼັງມີລາຍງານວ່າ ແອນຕັນ ເຢລຊິນ ນັກສະແດງໜຸ່ມອານາ ຄົດໄກຈາກຮູບເງົາເລື່ອງ “Star Trek” ແລະ “Alpha Dog” ເສຍຊີວິດໃນໄວອາຍຸພຽງ 27 ປີ ຈາກອຸບັດຕິເຫດທາງລົດ ເມື່ອຕອນເຊົ້າຂອງວັນທີ 19 ມິຖຸນາ 2016 (ຕາມເວລາທ້ອງຖິ່ນ) ຈາກການຢືນຢັນຂອງຕົວແທນດາລາໜຸ່ມສາຍເລືອດຣັສເຊຍ
ຂະນະດຽວກັນເຈົ້າໜ້າທີ່ຕຳຫຼວດໃນລອສແອງເຈີລິສ ເຜີຍວ່າຮ່າງຂອງ ແອນຕັນ ເຢລຊິນ ຕິດຢູ່ກັບລົດຂອງລາວເອງເຊິ່ງລາວຂັບມາຈາກເຮືອນໃນສະຕູດີໂອ ຊີຕີ້ ໂດຍກ່ອນໜ້ານີ້ເພື່ອນໆຂອງລາວຕ່າງເປັນຫ່ວງດາລາໜຸ່ມຄົນນີ້ຫຼາຍ ຫຼັງຈາກທີ່ລາວບໍ່ໄດ້ມາປະກົດຕົວຮ່ວມກັບທີມງານຕາມທີ່ນັດໝາຍກັນໄວ້ ສຸດທ້າຍກໍ່ມີເພື່ອນຄົນໜຶ່ງຂອງລາວໄດ້ໄປພົບແຕ່ຮ່າງທີ່ໄຮ້ວິນຍານຕິດຢູ່ລະຫວ່າງລົດຂອງລາວເອງກັບຕູ້ໄປສະນີ
“ສິ່ງທີ່ປະກົດໃຫ້ເຫັນກໍ່ແມ່ນລາວໄດ້ເສຍຊີວິດຢູ່ດ້ານຫຼັງຂອງລົດລາວເອງ ເບື້ອງຕົ້ນຕຳຫຼວດສັນນິຖານວ່າ ລົດອາດຈະໄຫລຈາກທີ່ສູງສັນມາກະແທກຕົວຂອງ ແອນຕັນ ເຢລຊີ ແລ້ວໄປອັດເຂົ້າຕູ້ໄປສະນີ ຈົນເສຍຊີວິດ ແຕ່ຕຳຫຼວດກໍ່ຍັງຈະສືບຫາສາເຫດທີ່ແທ້ຈິງຂອງການເສຍຊີວິດຂອງດາລາໜຸ່ມຄົນນີ້ຕໍ່ໄປ
ທີ່ມາ: http://www.siamdara.com/