ສຳນັກຂ່າວຕ່າງປະເທດລາຍງານຈາກເມືອງຟັດລູຈາຫ໌ ປະເທດອີຣັກ ເມື່ອວັນທີ 20 ມິຖຸນາ 2016 ວ່າ ສຳນັກງານໃຫຍ່ຜູ້ລີ້ໄພແຫ່ງສະຫະປະຊາຊາດ (ຢູເອັນເອຊຊີອາຣ) ລາຍງານເມືອ່ວັນອາທິດວ່າ ເຖິງແມ່ນວ່າກອງທັບອີຣັກຈະປະສົບຄວາມສຳເລັດໃນການຢຶດພື້ນທີ່ເມືອງ ຟັດລູຈາຫ໌ ເຊິ່ງເປັນເມືອງທີ່ສຳຄັນທາງຕະເວັນຕົກຂອງປະເທດ ກັບຄືນຈາກກຸ່ມໄອເອສ ແລ້ວກໍ່ຕາມ ແຕ່ປະຕິບັດການທີ່ເປີດສາກເມື່ອເດືອນທີ່ຜ່ານມາສົ່ງຜົນໃຫ້ປະຊາຊົນອົບພະຍົກອອກຈາກເມືອງຫຼາຍກວ່າ 84,000 ຄົນ ແລ້ວມີແນວໂນ້ມເພີ່ມຂຶ້ນອີກ ຈາກລາຍງານຂອງສະພາຜູ້ລີ້ໄພນໍເວຍ໌ (ເອັນອາຣຊີ) ທີ່ລະບຸວ່າ ມີປະຊົາຊົນລົບໜີອອກຈາກເມືອງຫຼາຍເຖິງ 30,000 ຄົນພາຍໃນ 72 ຊົ່ວໂມງທີ່ຜ່ານມາ

ທັງ ອົງການ ຢູເອັນເອຊຊີອາຣ ແລະ ເອັນອາຣຊີ ພະຍາຍາມຢ່າງໜັກໃນການບໍລິຫານຈັດການວິກິດດ້ານມະນຸດສະທຳ ໃນຄັ້ງນີ້ໃຫ້ລຸລ່ວງໄປດ້ວຍດີ ແຕ່ໄດ້ຮຽກຮ້ອງໃຫ້ລັດຖະບານອີຣັກເພີ່ມຄວາມຊ່ວຍເຫຼືອເຊັ່ນດຽວກັນ ໂດຍຍົກຕົວຢ່າງສະພາບເຫດການທີ່ຄ້າຍຜູ້ລີ້ໄພທີ່ ອັມຣິຢັດ ອັລ-ຟັດລູຈາຫ໌ ເຊິ່ງມີຜູ້ອາໃສຢູ່ຢ່າງແອອັດຫຼາຍເຖິງ 1,800 ຄົນ ແຕ່ມີຫ້ອງນ້ຳສຳລັບແມ່ຍິງພຽງຫ້ອງດຽວ ແລະ ການແບ່ງປັນນ້ຳດື່ມໃນພາບລວມແມ່ນເລີ່ມບໍ່ພຽງພໍແລ້ວ ຢ່າງໃດກໍ່ຕາມ ທາງທຳນຽມນາຍົກລັດຖະມົນຕີ ອີຣັກ ໄດ້ອອກເຜີຍແຜ່ຖະແຫຼງການຂອງນາຍົກລັດຖະມົນຕີ ໄຮເດີຣ ອັລ-ອະບາດີ ເຊິ່ງໄດ້ໃຫ້ຄຳສັນຍາເລື່ອງການເພີ່ມຄວາມຊ່ວຍເຫຼືອໃນຄັ້ງນີ້ແລ້ວ

ທີ່ມາ: ຂ່າວເດລີນິວສ໌