ສຳນັກຂ່າວຕ່າງປະເທດລາຍງານຈາກນະຄອນຫຼວງ ມອສໂຄ ປະເທດ ຣັສເຊຍ ເມື່ອວັນທີ 18 ມິຖຸນາ 2016ວ່າ ທີມນັກບິນອະວາກາດນານາຊາດ (ISS) 3 ຄົນ ປະກອບດ້ວຍ ທ່ານ ທິມ ພີດ ເຊິ່ງເປັນມະນຸດອະວາກາດຕົວແທນລັດຖະບານອັງກິດຄົນທຳອິດ ທ່າຮນ ູຣິ ມາເລນເຊນໂກ ຜູ້ບັງຄັບການຍານຊາວຣັສເຊຍ ແລະ ທ່ານ ທິມ ໂຄປຣາ ຊາວອາເມລິກັນ ເດີນທາງກັບສູ່ພື້ນໂລກດ້ວຍຄວາມປອດໄພ ເມື່ອວັນເສົາ (ວານນີ້) ຫຼັງປະຕິບັດພາລະກິດເທິງໄປເອສເອສ ເປັນໄລຍະເວລາ 6 ເດືອນ
ຍານແຄບຊູລໂຊຢູຊ໌ TMA -19M ຂອງຣັສເຊຍ ນຳມະນຸດອາວະກາດອຳລາໄອເອສເອສ ແລະ ໃຊ້ເວລາເດີນທາງປະມານ 7 ຊົ່ວໂມງ ກໍ່ເຂົ້າສູ່ຊັ້ນບັນຍາກາດຂອງໂລກ ກ່ອນຈະໃຊ້ຮົ່ມຊູຊີບ ຊ່ວຍປະຄອງແຄບຊູລຮ່ອນລົງສູ່ທົ່ງຫຍ້າ ເຂດຄາຊັດສະຖານ ເມື່ອເວລາ 15.15ໂມງ ຕາມເວລາທ້ອງຖິ່ນ (16.15ໂມງ ຕາມເວລາໃນປະເທດເຮົາ)
ທີ່ມາ: ຂ່າວເດລີນິວສ໌