ບັນດານັກຮຽນ-ນັກສຶກສາ ທັງພາກລັດ-ເອກະຊົນປະມານ 500 ຄົນພາກັນແຫ່ເຂົ້າຮ່ວມເທສະການ ອາຫານສະໝອງ ຂຶ້ນເປັນຄັ້ງທີ 1 ໃນວັນທີ 17 ມີຖຸນາ 2016 ທີ່ ມະຫາວິທະຍາໄລ ແຫ່ງຊາດ ນະຄອນຫລວງວຽງຈັນ ເພື່ອເປີດປັນຍາ ຫາຄວາມຮູ້ໃນຍຸກ ແຫ່ງການປ່ຽນແປງ.
ພິທີເປີດງານ ເທດສະການ ອາຫານສະໜອງ ຄັ້ງທີ 1 ນີ້ໂດຍການຮ່ວມມື ລະຫວ່າງມະຫາວິທະຍາໄລ ແຫ່ງຊາດດົງໂດກ ກັບ ສະມາຄົມ ນັກປະພັນລາວແລະ ພາກສ່ວນກ່ຽວຂ້ອງ ເຊິ່ງຈຸດປະສົງ ຂອງງານຄັ້ງນີ້ ເພຶ່ອຄຳນັບຮັບຕ້ອນ ວັນສ້າງຕັ້ງ ມະຫາວິທະຍາໄລ ແຫ່ງຊາດ ຄົບຮອບ 20 ປີ, ສົງເສີມ ແລະ ປູກຝັງນິໄສ ຮັກການອ່ານ ແລະ ຮັກການຂຽນ ໃຫ້ແກ່ ໄວໜຸ່ມ-ຊາວໜຸ່ມ ຂອງລາວ, ສືບຕໍ່ສົງເສີມຜົນງານ ຂອງນັກປະພັນ, ນັກກະວີ, ນັກເວົ້າ, ຜູ້ທີເຮັດວຽກກ່ຽວຂ້ອງ ກັບ ພາສາລາວ-ວັນນະຄະດີ, ສື່ສິ່ງພິມຂອງລາວ, ອະນຸລັກຮັກສາ ພາສາລາວ ແລະ ນຳໃຊ້ພາສາລາວ ໃຫ້ຖືກຕ້ອງ.
ພ້ອມນີ້ ຍັງເປັນການຕອບສະໜອງ ການພັດທະນາ ເສດຖະກິດ-ສັງຄົມ ໂດຍສະເພາະ ການພັດທະນາ ຊັບພະຍາ ກອນມະນຸດ ຂອງຊາດໃຫ້ບັນລຸ ເປົ້າໜາຍ ສະຫະສະວັດ ແຫ່ງການພັດທະນາ ແບບຢືນຍົງ ໃນຍຸກແຫ່ງການ ເຊຶ່ອມໂຍງ.
ງານດັ່ງກ່າວ ຈະໄດ້ຈັດຂຶ້ນ ເປັນເວລາ 2 ວັນ 17-18 ມີຖຸນາ 2016 ແລະ ພາຍໃນ ງານຍັງໄດ້ມີ ການສະແດງ ສິນ ລະປະ ຈາກນັກສຶກສາ ແລະ ມີການວາງ ສະແດງ ປຶ້ມຂຽນຂອງນັກປະພັນ ທີມີຊຶ່ສຽງຕື່ມ.
ທີ່ມາ: http://kpl.gov.la/detail.aspx?id=14063