ງານສະແດງສີລະປະວັດທະນະທຳ ມິດຕະພາບລະຫວ່າງ ລາວ-ກຳປູເຈຍ ໄດ້ຈັດຂຶ້ນ ໃນໂອກາດສະເຫລີມສະຫລອງ ວັນສ້າງຕັ້ງສາຍພົວພັນການທູດ ລາວ-ກຳປູເຈຍ ຄົບຮອບ 60 ປີ ຢ່າງຍິ່ງໃຫຍ່ ໃນວັນທີ 16 ມິຖຸນາ 2016 ທີ່ຫໍວັດທະນະທຳແຫ່ງຊາດ ໂດຍມີ ທ່ານ ບໍ່ແສງຄຳ ວົງດາລາ ລັດຖະມົນຕີ ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ, ທ່ານ ບົວເງິນ ຊາພູວົງ ຮອງລັດຖະມົນຕີ ກະຊວງ ຖວທ, ທ່ານ ອົກ ສຸຈຽດ ຮອງລັດຖະມົນຕີ ກະຊວງວັດທະນະທຳ ແລະ ວິຈິດສິນແຫ່ງ ຣາຊະອານາຈັກກຳປູເຈຍ ພ້ອມຊາວນະຄອນຫລວງວຽງຈັນເຂົ້າຮ່ວມຊົມຢ່າງຄຶກຄື້ນມ່ວນຊື່ນ.
ເປີດການສະແດງດ້ວຍສີລະປະບົດເພງ ອັບສະຣາ, ຕັກກະແຕນ, ໄທດຳເກັບດອກຝ້າຍ, ເກັບກ່ຽວຜົນລະປູກ ຂອງຊົນເຜົ່າ ທາງພາກຕາເວັນອອກສຽງເໜືອຂອງກຳປູເຈຍ, ຟ້ອນເຊີ້ງບັ້ງໄຟ, ແສງສະຫວາງແຫ່ງຣາຊະອານາຈັກ ກຳປູເຈຍ, ເສບພື້ນເມືອງ ແລະ ກາຍະສິນ. ສະແດງໂດຍຄະນະສີລະປະກອນ ແຫ່ງຣາຊະອານາຈັກ ກຳປູເຈຍ ການສະແດງທີ່ເຕັມໄປດ້ວຍ ມູນເຊື້ອວັດທະນະທຳເກົ່າແກ່ ແລະ ອຸດົມສົມບູນຂອງປະຊາຊົນກຳປູເຈຍ ເຊິ່ງການສະແດງດັ່ງກ່າວ, ໄດ້ສ້າງຄວາມເບີກບານມ່ວນຊື່ນ ແລະ ຄວາມປະທັບໃຈໃຫ້ກັບຜູ້ເຂົ້າຊົມໄດ້ເປັນຢ່າງດີ.
ທີ່ມາ: http://kpl.gov.la/detail.aspx?id=14071