spot_img
Homeຂ່າວພາຍ​ໃນຄຳທະນະພອນ ຊະນະເລີດປະກວດເຟີນີເຈີປີນີ້

ຄຳທະນະພອນ ຊະນະເລີດປະກວດເຟີນີເຈີປີນີ້

Published on

ຂ່າວ: ສະ­ໝານ

   ຮູບ​ນູນ​ຄວັດ​ແກະ­ສະ­ຫຼັກ​ເຮັດດ້ວຍ​ໄມ້​ສັກ, ພ້ອມ​ທັງ​ຕູ້​ວາງ ມູນ​ຄ່າ 168 ລ້ານ​ກີບ ຂອງ​ບໍ­ລິ­ສັດ​ຄຳ​ທະ­ນະພອນ ຄວັດ​ແກະ­ສະ­ຫຼັກ​ຫັດ­ຖະ­ກຳ​ໄມ້​ຈຳ ກັດ​ຜູ້​ດຽວຍາດ​ໄດ້​ລາ­ງວັນ​ຊະ­ນະ​ເລີດການ​ປະ​ກວດ​ຜະ­ລິດ​ຕະ​ພັນ​ດີ­ເດັ່ນ, ຈາກ 40 ກວ່າ​ຜະ­ລິດ​ຕະ​ພັນ ທີ່​ສົ່ງ​ເຂົ້າ​ແຂ່ງ­ຂັນໃນ​ງານ​ວາງ­ສະ­ແດງ​ສິນ­ຄ້າ​ເຟີ​ນີ​ເຈີ ແລະ ເຄື່ອງ​ຕົກ­ແຕ່ງ​ພາຍ​ໃນ​ເຮືອນ​ປະ­ຈຳ​ປີ 2014, ທີ່​ນະ­ຄອນ­ຫຼວງ​ວຽງ​ຈັນ.

    ທ່ານ ຄຳ​ທະ­ນະ​ພອນ ປັນ­ຍາ​ລາດ ປະ­ທານ​ບໍ­ລິ­ສັດຄຳ​ທະ­ນະ​ພອນ​ຄວັດແກະ­ສະ­ຫຼັກ​ຫັດ­ຖະ­ກຳ​ໄມ້​ຈຳ­ກັດ​ຜູ້​ ດຽວກ່າວ​ວ່າ: ຜະ­ລິດ​ຕະ​ພັນ​ທີ່​ໄດ້​ຮັບ​ລາ­ງວັນຊະ­ນະ​ເລີດ​ນີ້​ມີ​ຄວາມ​ໝາຍ​ບົ່ງ​ບອກ​ ເຖິງວັດ­ຖຸ­ບູ­ຮານ​ທາງ​ດ້ານ​ສະ​ຖາ​ປັດ​ຕະ​ຍະກຳ​ຂອງ​ລາວແຕ່​ເໜືອ​ຕະ­ຫຼອດ​ໃຕ້ ແລະ ເຕັມ​ໄປ​ດ້ວຍ​ສັນຍະ­ລັກ​ຄວາມ​ອຸ­ດົມ​ສົມບູນ ແລະ ການ​ດຳ­ລົງ​ຊີ­ວິດ ແລະ ຮີດຄອງ​ປະ­ເພ­ນີ​ຂອງ​ປະ­ຊາ­ຊົນ​ລາວ​ບັນ­ດາເຜົ່າທັງ​ຕິດ​ພັນ​ກັບ​ ການ­ທ່ອງ­ທ່ຽວ​ທາງທຳ​ມະ​ຊາດ ແລະ ການ​ພັດ­ທະ­ນາ​ໃນ​ແຕ່ລະ​ຍຸກ​ແຕ່​ລະ­ສະ​ໄໝ​ຈົນ​ມາ​ເຖິງ​ຍຸກ​ປະຈຸ​ບັນ.

    ນີ້​ເປັນ​ຜົນ­ງານ​ຂອງ​ນາຍ​ຊ່າງ​ໃນ​ບໍ​ລິສັດ​ເອງ ຊຶ່ງ​ໃຊ້​ເວ­ລາ​ໃນ​ການ​ອອກ​ແບບ ແລະ ຄວັດ​ແກະ​ພຽງ 10 ວັນ ແລະ ສໍາເລັດ​ກ່ອນ​ມື້​ງານ​ເປີດ​ພຽງ 1 ວັນ, ນີ້​ເປັນໄມ້​ຈາກ​ສວນ​ປູກ (ໄມ້​ສັກ) ນຳ​ມາ​ຜະ ລິດ​ສິນ­ຄ້າ​ນ້ອຍໆ ແຕ່​ກໍ​ສາ­ມາດ​ສ້າງ​ມູນຄ່າ​ໄດ້​ເຖິງ 168 ລ້ານ​ກີບ ແລະ ຍັງ​ສາ ມາດ​ໄດ້​ລາ­ງວັນ​ຊະ­ນະ​ເລີດ​ຮັບ​ຂັນ​ລາງວັນ, ໃບ​ຍ້ອງ­ຍໍ​ພ້ອມ​ເງິນ­ສົດ 5 ລ້ານ​ກີບ ຈາກ​ງານ​ວາງ­ສະ­ແດງ​ສິນ­ຄ້າ​ເຟີ​ນີ​ເຈີ ແລະ ເຄື່ອງ​ຕົກ­ແຕ່ງ​ພາຍ​ໃນ​ເຮືອນ​ປີ 2014 ທີ່ 40 ກວ່າ​ຜະ­ລິດ​ຕະ​ພັນ​ສົ່ງ​ເຂົ້າປະ­ຊັນ​ຄວາມ​ສວຍ​ງາມ, ປະ­ນີດ ຂອງນາຍ​ຊ່າງ​ກໍ​ຄື​ແນວ​ຄວາມ​ຄິດ​ອອກ​ແບບຜະ­ລິດ​ຕະ​ພັນ​ຂອງ​ບໍ­ລິ­ສັດ.

   ເກືອບ​ວ່າ​ທຸກໆ​ປີ​ທີ່​ບໍ­ລິ­ສັດ​ຄຳ​ທະ­ນະພອນ​ສົ່ງ​ສິນ­ຄ້າ​ເຂົ້າ​ປະ​ກວດ, ແຕ່​ກໍ​ຍາດໄດ້​ລາ­ງວັນ​ທຸກ​ປີ​ທັງ​ທີ 1 ແລະ ທີ 2, ນີ້ ແມ່ນ​ຄວາມ​ພະ­ຍາ­ຍາມ​ໃນ​ການ​ພັດ​ທະນາ​ສິນ­ຄ້າ​ຂອງ​ບໍ­ລິ­ສັດ​ຄຳ​ທະ­ນະ​ ພອນຈົນ​ເຮັດ​ໃຫ້​ບໍ­ລິ­ສັດ​ມີ​ຊື່​ສຽງ ແລະ ເປັນ​ທີ່ຍອມ­ຮັບ​ຂອງ​ຜູ້​ຊົມ­ໃຊ້​ຢູ່​ຕະ­ຫຼາດ​ພາຍ​ໃນ ແລະ ຕ່າງປະ ເທດ.

ຂອບໃຈຂ່າວຈາກ: www.sedthakid.la

ບົດຄວາມຫຼ້າສຸດ

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...

ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ໃນການອຳນວຍຄວາມສະດວກ ໃນໄລຍະປີໃໝ່ລາວ 2025

ເພື່ອສະກັດກັ້ນອຸບັດເຫດ ກົມຕຳຫຼວດຈະລາຈອນ ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ຕັ້ງຈຸດກວດກາ 143 ຈຸດ ຕາມແຕ່ລະເສັ້ນທາງ ໄລຍະປີໃໝ່ລາວ. ທ່ານ ພັອ ຄໍາສອນ ສີດາວົງ ຫົວໜ້າກົມຕຳຫລວດຈະລາຈອນ,...

ລະທຶກ! ເຮືອສະປີດໂບ໊ດເກີດໄຟໄໝ້ກາງທະເລອັນດາມັນ ປະເທດໄທ

ເລັ່ງອົບພະຍົບຜູ້ໂດຍສານ ຈາກເຫດໄຟໄໝ້ເຮືອສະປີດໂບ໊ດ ບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ. ສຳນັກຂ່າວຕ່າງປະເທດລາຍງານ ເຫດໄຟໄໝ້ເຮືອສະປີດໂບ໊ດບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ ໃນເວລາປະມານ 09:10 ນາທີ ຂອງວັນທີ 1 ເມສາ...

ເພີ່ມຂຶ້ນຕໍ່ເນື່ອງເຫຍື່ອແຜ່ນດິນໄຫວທີ່ມຽນມາ ຫຼ້າສຸດມີຜູ້ເສຍຊີວິດກວ່າ 2,056 ຄົນ

ສະຖານະການແຜ່ນດິນໄຫວໃນມຽນມາຍັງໜ້າເປັນຫ່ວງ ເຈົ້ານ້າທີ່ຕ້ອງເລັ່ງທຳການຄົ້ນຫາ ແລະ ຊ່ວຍຜູ້ລອດຊີວິດອອກມາຈາກໃຕ້ຊາກອາຄານ ຫຼັງຈາກ້າວເຂົ້າສູ່ມື້ທີ 4 ນັບຕັ້ງແຕ່ເກີດເຫດເມື່ອວັນທີ 28 ມີນາ 2025. ສຳນັກຂ່າວຕ່າງປະເທດລາຍນງານໃນວັນທີ 1 ເມສາ 2025 ນີ້,...