ຄໍດຳ ເປັນອີກໜຶ່ງບັນຫາໃຫຍ່ ທີ່ສ້າງຄວາມກັງວົນໃຈໃຫ້ໃຜຫຼາຍຄົນ ນອກຈາກຈະສົ່ງຜົນເສຍຕໍ່ບຸກຄະລິກກະພາບແລ້ວ ຍັງເຮັດໃຫ້ຂາດຄວາມໝັ້ນໃຈອີກດ້ວຍ ເຊິ່ງວັນນີ້ເຮົາກໍ່ບໍ່ພາດທີ່ຈະນຳວິທີການແກ້ຄໍດຳມາຝາກທ່ານ ເຊິ່ງຈະເປັນແນວໃດເຮົາມາອ່ານກັນເລີຍ

1. ຫລຸດນ້ຳໜັກ
ສຳລັບຄົນທີ່ມີນ້ຳໜັກຫຼາຍ ຈະສົ່ງຜົນໃຫ້ບໍລິເວນຄໍມີເນື້ອຫຼາຍກວ່າຄົນທົ່ວໄປຈິ່ງເກີດການສຽດສີໄດ້ງ່າຍ ວິທີແກ້ໄຂແມ່ນຕ້ອງຫລຸດນ້ຳໜັກລົງ ແລະ ໃຊ້ຄຣີມບຳລຸງຜິວທາຢ່າງສະໝ່ຳສະເໝີ

2. ໝັ່ນຂັດຜິວຢ່າງສະໝ່ຳສະເໝີ 
ການຂັດບໍລິເວນຄໍດຳ ແມ່ນໃຊ້ເກືອຂັດຜິວ ຫຼື ໝາກຂາມປຽກ ຂັດບໍລິເວນຄໍເປັນປະຈຳກໍ່ຈະຫຼຸດຄໍດຳລົງໄດ້

3. ນ້ຳມັນໝາກກອກ 
ພຽງນຳນ້ຳມັນໝາກກອກມາທາລົງບໍລິເວນຄໍດຳ ປະໄວ້ປະມານ 20 ນາທີ ຈາກນັ້ນກໍ່ໃຊ້ຜ້າເຊັດອອກ ເຮັດເປັນປະຈຳກໍ່ຈະຊ່ວຍຫຼຸດຄາບຄໍດຳລົງໄດ້

4. ໂທນເນີ
ໂທນເນີທີ່ໃຊ້ລ້າງໜ້າ ລ້າງເຄື່ອງສຳອາງ ສາມາດຊ່ວຍຫຼຸດຮອຍດຳທີ່ຄໍໄດ້ ວິຕາມິນຕ່າງໆທີ່ຢູ່ໃນໂທນເນີ້ຈະຊ່ວຍປັບສີຜິວໃຫ້ຂາວຂຶ້ນໄດ້

ທີ່ມາ: ເວັບໄຊ໌ ເກັດຄວາມຮູ້.ຄອມ