Homeຂ່າວທ້ອງຖິ່ນມອບ-ຮັບສິ່ງເສດເຫລືອຂອງທະຫານອາເມລິກາທີ່ເສຍຊີວິດໃນປາງສົງຄາມຢູ່ລາວ

ມອບ-ຮັບສິ່ງເສດເຫລືອຂອງທະຫານອາເມລິກາທີ່ເສຍຊີວິດໃນປາງສົງຄາມຢູ່ລາວ

Published on

ພິທີມອບ-ຮັບສິ່ງເສດເຫລືອຂອງທະຫານອາເມລິກາທີ່ເສຍຊີວິດແຕ່ປາງສົງຄາມຢູ່ລາວ ເຊິ່ງເຈົ້າໜ້າທີ່ຝ່າຍລາວ ແລະ ອາເມລິກາຮ່ວມກັນຂຸດຄົ້ນໃນ 4 ຈຸດທີ່ເຮືອບິນສູ້ຮົບເກີດອຸປະຕິເຫດຢູ່ແຂວງຫົວພັນ, ຊຽງຂວາງ ແລະ ແຂວງຄຳມ່ວນ ໄດ້ຈັດຂຶ້ນໃນວັນທີ 16 ມິຖຸນານີ້ ທີ່ສະໜາມບິນວັດໄຕ ນະຄອນຫລວງວຽງຈັນ ໂດຍການເຂົ້າຮ່ວມຂອງທ່ານຮອງລັດຖະມົນຕີກະຊວງການຕ່າງປະເທດ ແສງເພັດ ຮ່ວງບຸນຍວງ ແລະ ທ່ານເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງສະຫະລັດອາ ເມລິກາປະຈຳລາວ ດານຽວ ຄລູນ ເພື່ອນຳສົ່ງຄືນໃຫ້ຄອບຄົວຂອງເຂົາເຈົ້າເອົາໄປປະກອບພິທີທາງສາສະໜາ ແລະ ທັງເປັນການສະແດງໃຫ້ເຫັນຄວາມຈິງໃຈຂອງລັດຖະບານລາວຕໍ່ວຽກງານການສຳຫລວດ, ຂຸດຄົ້ນຮ່ອງຮອຍ ແລະ ສິ່ງເສດເຫລືອຂອງທະຫານອາເມລິກາທີ່ຫາຍສາບສູນໃນປາງສົງ ຄາມ ກໍຄືນະໂຍບາຍມະນຸດສະທຳອັນສະເໝີຕົ້ນສະເໝີປາຍຂອງລັດຖະບານລາວທີ່ມີຕໍ່ປະຊາຊົນອາເມລິກາ ໂດຍສະເພາະຕໍ່ຄອບຄົວຍາດພີ່ນ້ອງຂອງຜູ້ທີ່ຫາຍສາບສູນໃນປາງສົງຄາມ.

ນັບແຕ່ປີ 1985 ເປັນຕົ້ນມາ, ລາວ ແລະ ສະຫະລັດອາເມລິກາ ໄດ້ຮ່ວມກັນປະຕິບັພາລະກິດການສຳຫລວດ ແລະ ຂຸດຄົ້ນ ເພື່ອຊອກຫາຮ່ອງຮອຍສິ່ງເສດເຫລືອຂອງທະຫານອາເມລິກາທີ່ຫາຍສາບສູນໃນປາງສົງຄາມຢູ່ລາວຈຳນວນ 141 ຄັ້ງ ສາມາດຄົ້ນພົບຊິ້ນສ່ວນທີ່ໄດ້ຮັບການຢັ້ງຢືນແລ້ວຈຳນວນ 271 ຄັ້ງ ແລະ ຍັງມີຜູ້ຫາຍສາບສູນຢູ່ລາວອີກຈຳນວນ 301 ກໍລະນີ ເຊິ່ງລັດຖະບານລາວຢືນຢັນວ່າຈະສືບຕໍ່ໃຫ້ການຮ່ວມມືໃນວຽກງານດັ່ງກ່າວນັບແຕ່ສູນກາງຮອດທ້ອງຖິ່ນຕາມຄວາມອາດສາມາດຕົວຈິງ ເພື່ອນຳເອົາສິ່ງເສດເຫລືອຂອງທະຫານອາເມລິກາທີ່ຫາຍສາບສູນສົ່ງຄືນໃຫ້ຄອບຄົວຂອງເຂົາເຈົ້າໄດ້ຄົບຖ້ວນ.

ຂ່າວຈາກ: ລາວພັດທະນາ

ບົດຄວາມຫຼ້າສຸດ

ຮ່າງບົດສະຫຼຸບຕີລາຄາວຽກງານກໍ່ສ້າງຮາກຖານການເມືອງ, ວຽກງານພັດທະນາຊົນນະບົດ ແລະ ແກ້ໄຂຄວາມທຸກຍາກ.

  ກອງປະຊຸມໃນຄັ້ງນີ້ ຈະໄດ້ຮັບຟັງການລາຍງານ, ຄົ້ນຄວ້າ, ປຶກສາຫາລື ແລະ ໃ​ຫ້​ທິດຊີ້ນຳ ຕໍ່ບັນຫາເນື້ອໃນສໍາ​ຄັນ ດັ່ງນີ້: ຜົນການນໍາພາ-ຊີ້ນໍາ ຂອງກົມການເມືອງ ແລະ ຄະນະເລຂາທິການສູນກາງພັກ ປະຈໍາ 6 ເດືອນຕົ້ນປີ...

ປັດຈຸບັນ ໄດ້ຈັດຕັ້ງປະຕິບັດໜ້າວຽກໃນ 4 ຕົວເມືອງຂອງໂຄງການທາງດ່ວນວຽງຈັນ-ຮ່າໂນ້ຍ.

ທ່ານ ປອ ພອນປະເສີດ ອິນທະສອນ ປະທານ ບໍລິສັດ ສາມເອສ໌ ພັດທະນາ ຈໍາກັດ ຕ່າງໜ້າກຸ່ມບໍລິສັດ ພັດທະນາກໍ່ສ້າງທາງດ່ວນ ວຽງຈັນ-ຮ່າໂນ້ຍ ຊ່ວງ ຈາກເມືອງປາກຊັນ...

ສອງຝ່າຍກໍໄດ້ຕີລາຄາສູງກ່ຽວກັບການຮ່ວມມືຊ່ວຍເຫຼືອເຊິ່ງກັນ ແລະ ກັນ.

ການພົບປະຄັ້ງນີ້, ສອງຝ່າຍກໍໄດ້ຕີລາຄາສູງກ່ຽວກັບການຮ່ວມມືຊ່ວຍເຫຼືອເຊິ່ງກັນ ແລະ ກັນ ຫຼາຍວຽກງານ ໃນໄລຍະຜ່ານມາ ກ່ຽວກັບວຽກງານຂະແໜງການສຶກສາ ແລະ ກິລາ ໂດຍສະເພາະ ທາງລັດຖະບານ ສປປ ລາວ ສະເໜີໃຫ້ລັດຖະບານ...

ເຊື່ອງນໍແຮດໃນຮູບປັ້ນ ເຈົ້າໜ້າທີ່ກວດຍຶດຊິ້ນສ່ວນສັດປ່າຫວງຫ້າມ ພົບຊິ້ນສວ່ນຄ່າຍຄືນໍແຮດ ຈໍານວນ 4 ອັນ ນໍ້າໜັກ 10 ກິໂລກຣາມ ຢູ່ສະໜາມບິນສາກົນວັດໄຕ.

ໃນວັນທີ 15 ພຶດສະພາ 2026 ທີ່ຜ່ານມາ, ຄະນະເຈົ້າໜ້າທີ່ກ່ຽວຂ້ອງປະຈຳສະໜາມບິນສາກົນວັດໄຕ ມີ : ເຈົ້າໜ້າທີ່ພາສີ , ເຈົ້າໜ້າທີ່ຕຳຫຼວດ ຕມ ແລະ ເຈົ້າໜ້າທີ່ກັກກັນພືດ-ສັດ...