ການແຂ່ງຂັນບານເຕະຊິງແຊມປ໌ແຫ່ງຊາດເອີຣົບ ວັນພະຫັດທີ 16 ມິຖຸນາ 2016 ຮອບແບ່ງກຸ່ມ ກຸ່ມ C ເປັນການພົບກັນຂອງສອງທີມທີ່ຍັງບໍ່ມີຈັກຄະແນນ ອູແກຣນ ພົບກັບ ໄອແລນເໜືອ ເວລາ 23:00 ໂມງ
ອູແກຣນ ອັນດັບ 19 ເກມແຮກທີ່ລົງສະຫນາມກໍພົບງານຍາກ ແລະກໍເສຍ 2-0 ປະຕູໃນເກມນັດທີ່ພົບກັບເຢຍລະມັນ ແຊມປ໌ໂລກປີ 2014 ແຕ່ກ່ອນໜ້ານີ້ 4 ນັດ ອູແກຣນກຽມຕົວໃນເກມອຸ່ນເຄື່ອງໄດ້ດີຫລາຍ ສາມາດຊະນະມາທັງໃນບ້ານ ແລະນອກບ້ານຢ່າງລະສອງນັດ ກຳລັງຄົນຢູ່ຄົບ ບໍ່ມີຕິດໂທດແບນ ຫລືໄດ້ຮັບບາດເຈັບ ຖືວ່າອັນດັບໂລກດີກວ່າພໍສົມຄວນ ເກມນີ້ຕ້ອງການສາມຄະແນນ ຖ້າເສຍອີກນັດນີ້ໂອກາດຕົກຮອບມີຄວາມເປັນໄປໄດ້ຫລາຍ
ໄອແລນເໜືອ ອັນດັບ 25 ຫາກໍ່ເສຍມາຄືກັນ ແຕ່ກໍ່ເສຍພຽງລູກດຽວ ກ່ອນໜ້ານີ້ກຽມຕົວໄດ້ດີຄືກັນ ມີຊະນະແລະສະເໝີມາຢ່າງລະສອງນັດ ກຳລັງຄົນຢູ່ຄົບ ຖືວ່າບໍ່ໄດ້ຍາກເກີນໄປມີລຸ້ນແບ່ງແຕ້ມໄດ້ເປັນຢ່າງນ້ອຍຢູ່ແລ້ວ
ອູແກຣນ ພົບກັບ ໄອແລນເໜືອ ມາກ່ອນໜ້ານີ້ 4 ນັດ ເປັນອູແກຣນ ຄວບຄຸມເກມໄດ້ທັງໝົດ ເກັບໄຊຊະນະມາໄດ້ສອງນັດ ແລະສະເໝີອີກສອງນັດ ແຕ່ວ່າຫລ້າສຸດສອງນັດທີ່ພົບກັນ ອອກສະເໝີ 0-0 ປະຕູ ທັງສອງນັດ ແຕ່ກໍຕ້ອງຍ້ອນໄປທີ່ປີ 2002, ເກມນີ້ມາພົບກັນໃນຖານະເສຍມານຳກັນສະເໝີບໍ່ເປັນຜົນດີີແນ່ນອນ ຖ້າໃຜບຽດຊະນະໄດ້ມີລຸ້ນເຂົ້າຮອບຢູ່ ເພາະເກມຖັດໄປພົບຂອງແຂງທັງສອງທີມ ນັດນີ້ຈຶ່ງເປັນເກມຕັດສິນເຂົ້າຮອບຕໍ່ໄປ ແຕ່ວ່າ ອູແກຣນ ໂອກາດອອກສະເໝີມີຄວາມເປັນໄປໄດ້ຫລາຍ ເກມຄ່ອນຂ້າງກົດດັນ ເບີ່ງແລ້ວໄອແລນເໜືອມີລຸ້ນສະເໝີຫລືບຽດໄດ້ຊະນະ