ສຳລັບ Mesut Özil ຖືວ່າເປັນການຊື້ຂາຍທີ່ສຳຄັນຂອງຜູ້ຈັດການທີມໄວເກົາແບບ ອາຣ໌ແຊນ ເວນເກີ້ ເພາະດ້ວຍນິໄສຂອງເວນເກີ້ແລ້ວຈະເນັ້ນຊື້ນັກເຕະແບບປະຢັດທີ່ສຸດ, ແຕ່ການເຂົ້າຊື້ຄັ້ງນີ້ຖືເປັນການຊື້ທີ່ສຳຄັນເພາະ ເວນເກີ້ກ້າທຸ້ມເງິນຊື້ ເມຊຸດ ໂອຊິວ ເຖິງ 42.5 ລ້ານປອນ ຈາກລາຊັນຊຸດຂາວ ຣຽວ ມາດຣິດກັນເລີຍ ແລະຖືເປັນປະຫວັດສາດການເຂົ້າຊື້ທີ່ກຸ້ມຄ່າທີ່ສຸດຂອງສະໂມສອນກໍເວົ້າໄດ້.
ນອກນີ້ແລ້ວ ເມຊຸດ ໂອຊິວ ຊຸບເປີ້ສະຕາຣ໌ຂອງ ອາຣ໌ເຊນອນ ກໍໄດ້ກ່າວເຖິງການຍ້າຍມາຫຼິ້ນໃຫ້ກັບປືນໃຫຍ່ ວ່າທັງໝົດກໍເພາະ ອາຣ໌ແຊນ ເວນເກີ້ ຄື:
“ລາວເປັນຄົນທີ່ອະທິບາຍໃຫ້ຂ້ອຍຟັງຢ່າງຕັ້ງໃຈວ່າ ຕ້ອງການໃຫ້ຂ້ອຍຫຼິ້ນເຕະບານແບບໃດເມື່ອມາຢູ່ນີ້ ລາວບອກຂ້ອຍຢ່າງຊັດເຈນວ່າມີໂປຣເຈັກທີ່ຈະຮ່ວມງານກັບຂ້ອຍແລະສະໂມສອນ”
“ແລະນັ້ນກໍເຮັດໃຫ້ຂ້ອຍຕັດສິນໃຈໄດ້ວ່າຈະຕ້ອງຍ້າຍມາຢູ່ ອາຣ໌ເຊນອນ ສະນັ້ນຕ້ອງຂອບໃຈ ເວນເກີ້ ຫຼາຍໆ ທີ່ຄອຍເປັນໂຄດຜູ້ຍິ່ງໃຫຍ່ໃນສາຍຕາຂ້ອຍມາຕະຫຼອດ ຂ້ອຍແລະເພື່ອນຮ່ວມທີມຈະສະໜັບສະໜູນລາວຢ່າງສຸດຄວາມສາມາດເລີຍ”
ທີ່ມາ: Arsenal.in.th