ການແຂ່ງຂັນບານເຕະຊິງແຊມປ໌ແຫ່ງຊາດເອີຣົບ ວັນພະຫັດທີ 16 ມິຖຸນາ 2016 ຮອບແບ່ງກຸ່ມ ກຸ່ມ C ”ອິນຊີເຫລັກ” ທີມຊາດ ເຢຍລະມັນ ພົບກັບ ທີມຊາດ ໂປໂລຍ
ສະໜາມ: ສະຕ໊າດ ເດີ ຟະລັອງສ໌
ເວລາເຕະ 02:00 ໂມງ
ຜູ້ຕັດສິນ: ບີຍອນ ຄູເປ້ (ໂຮນລັງ)
ເຕະທີ່ໜ້າຈັບຕາ: ໂທມັດ ມຸນເລີ Vs ໂລເບີດ ເລວານດອຟສະກີ້
ທັດສະນະ
ເຢຍລະມັນ ເອົາຊະນະ ອູແກຣນ ມາໄດ້ 2-0 ປະຕູ ໂດຍທີ່”ອິນຊີເຫລັກ” ຫລິ້ນໄດ້ດີກວ່າການຄອງເກມ ແລະຫລິ້ນໄດ້ຢ່າງຫນັກແຫນ້ນ ເກມຮັບໄວ້ໃຈໄດ້ ເກມບຸກກກໍມີຄວາມອັນຕະລາຍເປັນຢ່າງສູງ ສ່ວນທາງດ້ານໂປໂລຍ ກໍເອົາຊະນະໄອແລນເໜືອ ມາໄດ້ 1-0 ປະຕູ ແບບຫືດຈັບສຸດໆ ສະຖິຕິຂອງເຢຍລະມັນເບິ່ງດີກວ່າຊັດເຈນ
ຮູບເກມຄາດວ່າທັງສອງຈະເປີດເກມໃສ່ກັນຢ່າງມັນ ເຢຍລະມັນອາດຄອງເກມໄດ້ເໜືອກວ່າແນ່ນອນ ສ່ວນໂປໂລຍກໍ່ຖ້າຕັ້ງຮັບ ແລະໂຕ້ກັບຢ່າງວ່ອງໄວ ການຍິງປະຕູເປັນສິ່ງສຳຄັນທີ່ຈະຕ້ອງເຮັດໃຫ້ໄດ້ ເຊື່ອວ່າໂອກາດສ້າງສັນເກມເຢຍລະມັນຈະເຮັດໄດ້ຫລາຍກວ່າແນ່ນອນ ດ້ວຍອັນດັບທີ່ທັງ 2 ທີມມີ 3 ຄະແນນ ຢູ່ອັນດັບຕົ້ນຕາລາງ ເຮັດໃຫ້ເກມນີ້ເປັນການຕັດຄະແນນໂດຍກົງ ເຊີ່ງຫາກໃຜໄດ້ 3 ຄະແນນໄປຄອງກໍຈະກາລັນຕີການເຂົ້າຮອບຫລາຍຂຶ້ນ