ບັນເທີງຕ່າງແດນ ວັນນີ້ ເຮົາມີຂ່າວກຳລັງເປັນທີ່ຮືຮາໜາຫູກັນຫຼາຍໃນວົງການບັນເທີງເກົາຫຼີໃຕ້ ເລື່ອງທີ່ວ່າ ທາງ MBC ຍົກເລີກການອອກອາກາດລະຄອນເລື່ອງໃໝ່ທີ່ມີຊື່ວ່າ “Picnic” ເຊິ່ງໄດ້ນັກຮ້ອງວົງ Pop ຊື່ດັງຂອງເກົາຫຼີໃຕ້ເຊັ່ນ “ຢູຣິ” Girls’ Generation ແລະ “ຊານຢໍລ”EXO ເປັນຕົວສະແດງນຳໃນເລື່ອງນີ້
ແນ່ນອນເລີຍວ່າບັນດາສາວົກຂອງແຟນຄລັບ ຂອງທັງສອງຄົນຕ້ອງບໍ່ພໍໃຈແນ່ນອນ ເພາະກ່ອນໜ້ານີ້ມີຂ່າວລາຍງານວ່າ ໜຸ່ມ ຊານຢໍລ (Chanyeol) ແຫ່ງວົງ EXO ແລະ ສາວ ຢູຣິ (Yuri) ແຫ່ງ Girls’ Generation ຈະມີຜົນງານຮ່ວມກັນໃນລະຄອນເລື່ອງ “Picnic” ທາງຊ່ອງ MBC ໃນໄວໆນີ້ ເຊິ່ງມັນໄດ້ເຮັດໃຫ້ສາວົກແຟນຄລັບຂອງທັງສອງຄົນດີໃຈສຸດໆ ແລະ ລໍຕິດຕາມຜົນງານດ້ວຍໃຈຈົດຂໍ່ ແຕ່ເບິ່ງຄືວ່າຕອນນີ້ແຟນໆ ອາດຕ້ອງຜິດຫວັງ ເພາະທາງທີມງານໄດ້ຂໍຍົກເລີກແຜນການອອກອາກາດແລ້ວ
ໂດຍເມື່ອວັນທີ 13 ມິຖຸນາ 2559 ທີມງານລະຄອນໄດ້ແຈ້ງວ່າ “Picnic” ຈະເປັນຊື່ໃໝ່ຂອງລະຄອນທີ່ເມື່ອກ່ອນມີລາຍຊື່ວ່າ ‘Gaia’ ແລະ ເຄີຍວາງແຜນທີ່ຈະອອກອາກາດຕໍ່ຈາກລະຄອນເລື່ອງ ‘Monster’ ແຕ່ (ແຜນການດັ່ງກ່າວ) ຕອນນີ້ຖືກຍົກເລີກແລ້ວ ສ່ວນກຳນົດການວັນອອກອາກາດໃໝ່ຂອງເລື່ອງນີ້ຍັງບໍ່ມີກຳນົດໃຫ້ຮູ້ເທື່ອ
ທີ່ມາ: http://www.astarseoul.com/mbc-